ខេត្តរតនគីរី ៖ តើលោកគុណញឹមអគ្គនាយកនៃអគ្គនាយកដ្ឋានគយ និងរដ្ឋាករកម្ពុជាមានដឹងពីទង្វើ មិនប្រក្រតីរបស់លោក លី តុលា មន្ត្រីគយចល័តនៅខេត្តរតនគិរីទេ?។ថ្មីៗនេះ លោកលីតុលាមន្ត្រីគយចល័តដែលឈរជើងក្នុងខេត្តរតនគិរីដែលចាយលុយដូចក្រដាស បានបាញ់បោះសេរីផ្អើលអ្នកស្រុក ។ប្រភពពីមន្ត្រីអាវុធហត្ថស្រុកអូរយ៉ាដាវ បានឲ្យដឹងថា ថ្មីៗនេះ ក្រោយពេលលោក លី តុលា ប្រើកាំភ្លើងបាញ់បោះ យ៉ាងអនាធិបតេយ្យ ក៏ត្រូវបានឃាត់ខ្លួនយកមកធ្វើកំណត់ហេតុ ប៉ុន្តែត្រូវបានមេគយចល័ត ក្នុងអគ្គនាយកដ្ឋានគយ និងរដ្ឋាករអន្តរាគមន៍ ឲ្យរួចផុតពីការឃាត់ខ្លួន។
លោក លី តុលា មន្ត្រីគយចល័តខេត្តរតនគិរី គេដឹងថា:មានអំណាចយ៉ាងធំធេង ក្នុងការប្រមូលលុយ ពីឈ្មួញដឹកជញ្ជូនឈើ ទៅស្រុកយួន ក៏ដូចជាប្រមូលលុយពីឈ្មួញ ដែលដឹកទំនិញគេចពន្ធទំនិញខុសច្បាប់ ពីទឹកដីយួនចូលទឹក ដីខ្មែរ តាមច្រកទ្វារអន្តរជាតិអូរយ៉ាដាវ។
តាមរយៈអំពើពុករលួយបែបនេះ ហើយទើបលោក លី តុលា អាចប្រមូលលុយបានយ៉ាងច្រើន ក្នុងមួយខែៗហើយជិះរថយន្តទំនើបពាក់ស្លាកលេខល្អ តែបែរជាមានចរិតមិនសូវថ្លៃថ្នូរ។
ដោយសារតែប្រមូលលុយ បានយ៉ាងច្រើន នៅលើផ្លូវជាតិលេខ៧៨ ទើបលោក លី តុលា ផឹកស៊ីអាវាសែចាយលុយ ដូចក្រដាសដើម្បីបង្ហាញ ពីភាពហ៊ីហារបស់ខ្លួនដោយគ្មានគិតគូរ ពីសេចក្ដីអៀនខ្មាសឡើយ។
ប្រការនេះបញ្ជាក់ថា ដោយសារអាងមានខ្នងបង្អែករឹងមាំ ទើបលោក លី តុលា ហ៊ានប្រព្រឹត្តអំពើពុករលួយ ប្រមូលលុយតាមច្រើនរូបភាព ដោយគ្មានខ្លាច ក្រែងអ្វីទាំងអស់ ហើយក៏មិនខ្វល់ពីការរិះគន់ជុំទិសនោះទេ។
លោក គុណ ញឹម ដែលជាអគ្គនាយកនៃអគ្គនាយកដ្ឋានគយ និងរដ្ឋាករ គួរ ពិនិត្យមើលបញ្ហាខាងលើនេះផងព្រោះលោក លី តុលា មន្ត្រីគយចល័តខេត្តរតនគិរី ឡើងដៃណាស់ក្នុងការប្រព្រឹត្តអំពើពុករលួយប្រមូលលុយពីបទល្មើសដែលកើត ឡើងនៅលើផ្លូវជាតិលេខ៧៨ យ៉ាងគឃ្លើន ហើយហ៊ានប្រើកាំភ្លើងបាញ់បោះសេរី អនាធិប តេយ្យបំផ្លាញសន្តិសុខសង្គមនិងសន្តិភាពតែបែជាអាចគេចផុតពីការផ្ដន្ទាទោសតាមច្បាប់យ៉ាងក្រអឺត ក្រទម ទៅវិញ?៕
