ខេត្តបាត់ដំបង ៖ សន្និបាតបូកសរុបវាយតម្លៃការងារអប់រំយុវជន និងកីឡាខេត្តបាត់ដំបង ឆ្នាំសិក្សា ២០១៣ -២០១៤ ត្រូវបាន រៀប ចំពិធីបើកកាលពីថ្ងៃទី ២៦ ខែធ្នូ ឆ្នាំ២០១៣ ក្រោមអធិបតីភាព ឯកឧត្តម ប្រាជ្ញ ចន្ទ អភិបាលខេត្តបាត់ដំបង ។
ក្នុងសុន្ទរកថា ស្វាគមន៍របស់លោក ងី សែន ប្រធានមន្ទីរអប់រំយុវជន និងកីឡាខេត្តបាត់ដំបង បានឱ្យដឹងថា សន្និបាតនាពេលនេះ គឺការបូកសរុបលទ្ធផលការបំពេញការងារលើវិស័យអប់រំក្នុងឆ្នាំសិក្សា២០១២-២០១៣ កន្លងមកនេះ នឹងលើកទិសដៅ អនុវត្តបន្ត ឆ្នាំ២០១៣-២០១៤ ដើម្បីឈានទៅសម្រេចផែនការយុទ្ធសាស្ត្រវិស័យ អប់រំឆ្នាំសិក្សា ២០១៤-២០១៨ បំណងធ្វើឱ្យបានសម្រេច ការអប់រំសម្រាប់ទាំងអស់នៅឆ្នាំ២០១៥ ។ លោក ងី សែន បានបញ្ជាក់ទៀតថា ក្នុងឆ្នាំសិក្សា២០១៣-២០១៤ នេះ សាលារៀន ចំណេះដឹងទូទៅសាធារណៈនៅទូទាំង ខេត្ត មាន ៩៨០ សាលាក្នុងនោះមត្តេយ្យសិក្សាសាធារណៈមាន ២៥៦ សាលាបឋមសិក្សាមាន ៦០៧ សាលា មាន ១៤៩គម្រោង ក្នុងនោះសាលារៀនចិន មាន ៧០សាលា ។ មធ្យមសិក្សាចំណេះដឹងទូទៅសាធារណៈមានអនុវិទ្យា ល័យ ៩៤ សាលានឹងវិទ៉្យាល័យ ២៩សាខា ។ សាលារៀនចំណេះទូទៅសាធារណគ្រប់ភូមិសិកសាមានការកើន ឡើងជាឆ្នាំ សិក្សាមុន ។ សិស្សានុសិស្សគ្រប់ភូមិសិក្សាសរុប ២៣៧.១៣៨នាក់ ។
ខេត្តបាត់ដំបងមានគ្រឹះស្ថានបណ្តុះបណ្តាល ១កន្លែង គឺមជ្ឈមណ្ឌលគរុកោសល្យភូមិភាគបាត់ដំបង ដែលមានគរុសិស្ស ៥៤៧ នាក់ និងសាលាគរុកោសល្យវិក្រឹត្យការខេត្តមានគរុសិស្ស ២២៦នាក់ ។
ក្នុងនោះផងដែរ លោក ប្រាជ្ញ ចន្ទ អភិបាលខេត្តមានប្រសាសន៍ថា សន្និបាតអប់រំនាឆ្នាំនេះ គឺផ្តោតសំខាន់ ទៅលើការបង្ហាញពីលទ្ធផលការងារអប់រំក្នុងឆ្នាំ២០១២-២០១៣ និងបទបង្ហាញពីទិសដៅសម្រាប់អនុវត្តការងារ ឆ្នាំសិក្សាថ្មី ២០១៣-២០១៤ ដែលត្រូវដាក់ជូនសន្និបាតពិភាក្សាផ្លាស់ប្តូរយោបល់វាយតម្លៃឱ្យបានត្រឹមត្រូវ ព្រមទាំងកំណត់ទិសដៅវិធានការនឹងសកម្មភាពឱ្យបានសមស្របតាមផែនការយុទ្ធសាស្ត្រវិស័យអប់រំឆ្នាំ២០១៤-២០១៨ នឹងរួមចំណែកក្នុងការអនុវត្តយុទ្ធសាស្ត្រចតុកោណដំណាក់កាលទី ៣ របស់រាជរដ្ឋាភិបាល ។ លោកបានផ្តាំ ផ្ញើដល់សមាជិក សមាជិកាទាំងអស់មេត្តាយកចិត្តទុកដាក់ចំពោះរបាយការណ៍ និងទិសដៅបន្តដែលថ្នាក់ដឹកនាំ មន្ទីរធ្វើបទបង្ហាញនាពេលនេះ សូមឱ្យអង្គសន្និបាតទាំងមូលខិតខំរិះរកវិធានការបន្ត ៕
គណៈអធិបតី
លោក ងី សែន