ដើម្បីការពារផលប្រយោជន៍ និងសុខភាពអ្នកប្រើប្រាស់ លោកចាន់ វាសនា ប្រធាន សាខាកាំកុងត្រួលខេត្តមណ្ឌលគិរី សហការជាមួយមន្ទីរពាណិជ្ជកម្មខេត្ត បានចុះត្រួត ពិនិត្យផ្តោតទៅ លើទំនិញវេចខ្ជប់ស្រាប់ ទំនិញហួសកាលបរិច្ឆេតប្រើប្រាស់ ទំនិញគ្មាន អនាម័យ និងទំនិញគ្មានសុវត្ថិភាព ការត្រួតពិនិត្យនេះ បានធ្វើឡើងនៅផ្សារសែនមនោរម្យ ក្រុងសែន មនោរម្យ កាលពីព្រឹកថ្ងៃទី២៤ ខែកុម្ភះ ឆ្នាំ២០១៦។
ក្នុងការចុះត្រួតពិនិត្យទំនិញនោះ ប្រធានសាខាកាំកុងត្រូលខេត្ត លោក ចាន់ វាសនា បានឲ្យដឹងថា គឺផ្តោតសំខាន់ទៅលើទំនិញវេចខ្ជប់ស្រាប់ ទំនិញហួសកាលបរិច្ឆេតប្រើ ប្រាស់ ទទឹមនឹងនោះមន្ត្រីកាំកុងត្រួលបានធ្វើតេស្តបឋមលើស្ករត្នោត (Sodium Hydro Sulfitte ) និងធ្វើតេស្តលើបង្គារ ម៉ឹក សាច់ក្រក ត្រីងៀត សសៃគុយទាវ មី នំបញ្ចុក យីហ៊ឺ ក្រៀម មីសួរ ដើម្បីរកសារធាតុគីមី (Borax) ជាលទ្ធផលពុំមានទេ ហើយបានធ្វើតេស្តរក ជាតិ Iodine នៅក្នុងអំបិល។
បន្ទាប់មកបានពិនិត្យទៅលើទំនិញហួសកាលបរិច្ឆេទនៃ ប្រើប្រាស់ហើយត្រូវបានមន្ត្រីកាំកុងត្រូលពិនិត្យឃើញប្រេងឆាម៉ាក Lim Soon ចំនុះ១ លីត្រ ៣ដប ទឹកត្រីចំណុះ១លីត្រចំនួន១ដប ផ្សិតកំប៉ុងម៉ាក Heng ចំនួន១កំប៉ុង ទឹកស៊ីអ៊ីវ ម៉ាក CHIN-SU ចំនួន៣ដប និងប័រម៉ាក MARGARINE ចំនួន២កំប៉ុង ហួសកាលបរិច្ឆេទ ត្រូវបានដកហូតទំនិញទាំងនោះយកមករក្សាទុកនៅមន្ទីរពាណិជ្ជកម្មដើម្បីកំទេចចោលនៅពេលក្រោយ។
ក្នុងការចុះត្រួតពិនិត្យនេះផងដែរ មន្ត្រីកាំកុងត្រូលបានធ្វើការណែនាំ ដល់អាជីវករ ពាណិ ជ្ជករឲ្យយល់ដឹង និង មានការប្រុងប្រយ័ត្ន ជៀសវាងក្នុងការដាក់តាំងលក់ទំនិញ ហួស កាលបរិច្ឆេទប្រើប្រាស់ ដូចជា កំប៉ុងកំពិត ប៉ោង ច្រេះស៊ី ទំនិញដែលសារធាតុគីមី ហាម ឃាត់ និង ការរៀបចំទំនិញលក់ដូរទុក ឲ្យមានសណ្តាប់ធ្នាប់ទៅតាមប្រភេទ ទំនិញ ទំនិញ ហូបចុកទំនិញប្រើប្រាស់ផ្សេងៗដាច់ដោយឡែកៗពីគ្នា និងបានបិទរូបភាព ដែល រៀបចំដោយ អគ្គនាយកដ្ឋានកាំងកុងត្រូលស្តីពី សូមពិចារណាមុននឹង ជ្រើសរើស ផលិត ផលម្ហូប អារហារណាមួយយកមកបរិភោគ ជូនដល់អ្នកលក់ដូរ និង អ្នកប្រើប្រាស់ អោយ បានយល់ ដឹងពីរូបភាពជាបឋម នូវទំនិញណាដែលគួរប្រើ និងទំនិញណាមិនគួរប្រើប្រាស់ ៕ ហ៊ិន សុគន់