ឧបដ្ឋានសាលាទំហំ ២០ គុណ ៣០មែត្រ ដែលបម្រើដល់ពុទ្ធសាសនិកក្នុងការគោរព និងប្រណិនប័តក្នុងវិស័យព្រះពុទ្ធសាសនា បានដាក់សម្ពោធឲ្យប្រើប្រាស់ជាផ្លូវការក្រោមអធិបតីភាព ឯកឧត្តមគិត្តិបរិរក្សបណ្ឌិត គាត ឈន់ ប្រធានឧត្តមក្រុមប្រឹក្សាសេដ្ខកិច្ចជាតិ និងពុទ្ធបរិស័ទចំនួនប្រមាណជាង ១ពាន់នាក់ ក្នុងភូមិវាលកន្សែង ឃុំកំពុងដំរី ស្រុកឆ្លូង ខេត្តក្រចេះ កាលពីថ្ងៃទី២៧ មេសា ២០១៨ ។
លោក ធីម ស៊ាងឡេង អភិបាលរងស្រុក បានរាយការពីស្ថានភាពទូទៅ ពីការអភិវឌ្ឍន៍រីកចម្រើន របស់ស្រុកឆ្លូង ដោយបញ្ជាក់ថា ៖ យើងទាំងអស់គ្នា ជាប្រជាពលរដ្ឋក្នុងស្រុកឆ្លូងទាំងមូល មានមោទនភាពក្រៃលែង ដែលទទួលបាននូវសមិទ្ធផលថ្មីថែមទៀត ក្នុងវត្តឧត្តមសាមគ្គីវាលកន្សែង ដែលជាវត្តថ្មីស្រឡាង ដែលចំណាយថវិការអស់ចមំនួន ១២ម៉ឺនដុល្លាអាមេរិក ។
មានប្រសាសន៍បន្ថែម ឯកឧត្តមគិត្តិបរិរក្សបណ្ឌិត បានបញ្ជាក់ថា ៖ ហេដ្ឋារចនាសម្ព័ន្ធរូប វ័ន្តនានា បានកសាងឡើងស្ទើរគ្រប់តំបន់ មិនថានៅទីប្រជុំជន ឬទីជនបទនោះទេ ដែលទាំងនេះគឺមកពីស្រុកទេសមានសុខសន្តិភាព ស្ថេរភាពនយោបាយសង្គម មានការអភិវឌ្ឍន៍រីកចម្រើនលើគ្រប់វិស័យ ទាំងផ្នែកពុទ្ធចក្រ និងអាណាចក្រ ក្រោមការដឹកនាំដ៏ឈ្លាសវៃ និងគិត្តិបណ្ឌិតរបស់ប្រមុខរាជរដ្ឋាភិបាល ដែលមានសម្តេចតេជោនាយករដ្ឋមន្ត្រី ហ៊ុន សែន ។ ហើយការរីកចម្រើនក្នុងផ្នែកពុទ្ធចក្របានឆ្លុះបញ្ចាំងឲ្យឃើញនូវភាពប្រាកដនិយមរបស់ប្រជាជនកម្ពុជា ដែលគោរពសិទ្ធិសេរីភាព ខាងជំនឿសាសនា លើស្ទួយព្រះពុទ្ធសាសនា ដោយផ្អែកលើមូលដ្ឋានថែរក្សាប្រពៃណីជាតិ និងលើកម្ពស់តម្លៃសីលធម៌សង្គម ។ និងមានប្រសាសន៍កោតសរសើរ និងថ្លែងអំណរគុណចំពោះថ្នាក់ដឹកនាំ មន្ត្រីរាជការគ្រប់លំដាប់ថ្នាក់ និងពុទ្ធបរិស័ទជិតឆ្ងាយទាំងអស់ ដែលបានចូលរួមកសាង និងលើកស្ទួយនូវវិស័យព្រះពុទ្ធសាសនា ឲ្យមានការអភិវឌ្ឍន៍រីកចម្រើន សំដៅជួយថែរក្សា និងអភិរក្សនូវវប្បធម៌ជាតិ និងសូមឲ្យបន្តថែរក្សាការពារ និងអភិវឌ្ឍន៍ទាំងអស់គ្នា ៕
