ភ្នំពេញ ៖ មន្ត្រីយោធាជាន់ខ្ពស់មួយរូបគឺ លោកឧត្ដមសេនីយ៍ឯក ហូ ចំរើន ដែលព្រះមហាក្សត្រទើបនឹងតែងតាំងជាឧកញ៉ា មិនដល់ ១០ ថ្ងៃផង បានបាញ់បោះអាណាធិបតេយ្យ ៦-៧ គ្រាប់ ថ្ងៃសៅរ៍ ៧កើត ឆ្នាំរកា សំរិទ្ធស័ក ព.ស២៥៦១ ត្រូវនិងថ្ងៃទី២១ ខែមេសា ឆ្នាំ២០១៨ វេលាម៉ោង១៥:៣៥នាទី នៅចំណុចផ្ទះវីឡាគ្មានលេខ ស្ថិតក្នុងភូមិព្រៃសកើត សង្កាត់ព្រៃសខណ្ឌដង្កោ រាជធានីភ្នំពេញ បណ្តាលឲ្យផ្អើលគេឯងសមត្តកិច្ចចុះទៅពិនិត្យតែស្ងាត់ឈឹងមកដល់ពេលនេះ ។ ប្រភពពីសមត្តកិច្ចត្រឹមតែបានឲ្យដឹងថាវាជំនាស់ក្នុងគ្រួសារហើយប្រហែលឯកឧត្តមឧត្តមសេនីយ៍ឧកញ៉ាវ័ក្មេងរូបនេះបាញ់គម្រាម!។ជនរងគ្រោះនៃការបាញ់គម្រាមនោះរួមមាន៖១ជំទាវគារសុខគាងអាយុ១៩ឆ្នាំស្នាក់នៅទីតាំងកើតហេតុខាងលើត្រូវជាភរិយា។ក្រៅពីនេះមានឈ្មោះយិន គារ ភេទប្រុស អាយុ៥៦ឆ្នាំ និង២-ផន ទៀង ភេទស្រី អាយុ៥១ឆ្នាំ ស្នាក់នៅទីតាំងកើតហេតុខាងលើ។
ក្នុងករណីនេះមិនបណ្តាលអោយជនរងគ្រោះខាងលើរងបួសរឺបាត់បងជីវិតឡើយ ក្រោយមកទៀតជនរងគ្រោះបានទៅដាក់ពាក្យបណ្តឹងនៅកងរាជអាវុធហត្ថរាជធានីភ្នំពេញ ។ករណីបាញ់បោះសេរីបើទោះបីខ្លួនមានតួនាទីជានាយទាហ៊ានក៏ដោយនោះមិនទាន់ឃើញមានចំណាត់ការបែបណានៅឡើយព្រោះមកទល់នឹងម៉ោង០៧:០០នាទីយប់ថ្ងៃដដែលនេះ កម្លាំងកងរាជអាវុធហត្ថបានត្រឹមកដាក់ប្រចាំការរង់ចាំបញ្ជាពីថ្នាក់លើនៅជុំវិញភូមិគ្រឹះរបស់លោកឧកញ៉ាវ័យក្មេងនោះ នៅឡើយ។សូម្បីអ្នកនាំពាក្យយោធា ថោង សូលីម៉ូ ទៅណាអត់ឃើញចេញមុខមក ប្រកាសព័ត៌មានឲ្យដឹងថាវាល្ម៉េចនោះផងដែរ។
សូមបញ្ជាក់ថា ឯកឧត្តមឧត្តមសេនីយ៍ឯកឧកញ៉ា ហូ ចំរើន និងជំទាវវ័យក្មេងឈ្មោះ គារ សុខគាងនេះទើតែបានធ្វើឲ្យមានការភ្ញាក់ផ្អើលដោយសារធ្វើពិធីឡើងផ្ទះនិងខួបរៀបការកាលពីថ្ងៃទី៦ខែវិច្ឆិកាឆ្នាំ២០១៧កន្លងទៅនេះដោយគេប៉ាន់ស្មានថាចំណាយមិនតិចជាង១០ម៉ឺនដុល្លារអាមេរិកនោះឡើយ។
តាមរយៈឃ្លិបវីដេអូដ៏អស្ចារ្យដែលគេបង្ហោះជុំវិញពិធីឡើងផ្ទះនិងខួបរៀបការនេះជាផ្លូវការនេះគ្រាន់តែនៅខាងមុខផ្ទះមានតាំងសុទ្ធតែស្ដេចរថយន្តថ្លៃៗតម្លៃរាប់សែនដុល្លារច្រើនគ្រឿង ដោយសូម្បីតែការចាត់ចែងទាំងក្នុងនិងក្រៅឆាក ដោយក្រៅពីរៀប ចំយ៉ាងឥតខ្ចោះលើផ្នែកពិធីករ និងដេគ័រ ក៏មាន រៀបចំកង ទាហានជាជួរ អោយ ឈររាំ រែកយ៉ាង រស់ រវើក ធ្វើអោយ ពិធី ទាំងមូលពោរពេញ ដោយសិល្បៈឡើង ផ្អើល ផងដែរ។
តារាល្បីៗជាច្រើនរួមមាន លោកព្រាប សុវត្ថិ អ្នកនាងខាត់ សុឃីម និងកញ្ញាមាស សុខសោភា ជាដើម សុទ្ធតែបានបង្ហាញខ្លួន ដោយក្នុងពិធីនោះ។ប្រជាពលរដ្ឋឆ្ងល់ថាគេរកស៊ីស្អីបានមានសម្បើមម្លេះបើគិតត្រឹមប្រាក់ខែផ្កាយបី៣០ឆ្នាំមិនទាន់មានលុយសង់ភូមិគ្រឺះទិញឡានទំនើបៗរាប់ឡូត៍ចឹងឡើយ!៕
