កណ្ដាល ៖ មានបងប្អូនប្រជាពលរដ្ឋជាច្រើនគ្រួសាររស់តាមបណ្ដោយមាត់ព្រែកទី១ឋិតក្នុងភូមិព្រែកក្របៅ១ឃុំព្រែកអំពិលស្រុកខ្សាច់កណ្ដាលបានប្រាប់ថា៖ មានជនមួយក្ដាប់តូចកំពុងលួចចាក់ដីលុបព្រែកទី១ដែរជាសម្បត្តិ របស់រដ្ឋយកធ្វើជាកម្មសិទ្ធផ្ទាល់ខ្លួនហើយនឹងធ្វើការលក់បន្តឲ្យទៅអ្នកផ្សេងដោយគ្រាន់តែធ្វើលិខិតទទួលដឹងឮត្រឹមតែអ្នកទិញនឹងអ្នកលក់តែប៉ុណ្ណោះ។ ប្រជាពលរដ្ឋ បញ្ជាក់ទៀតថាការចាក់ដីចូលព្រែកនេះក៏មានការបើកដៃពីរលោកសុខ សឿនជាមេភូមិព្រែកក្របៅទី១ឃុំព្រែកអំពិលស្រុកខ្សាច់កណ្ដាលខេត្តកណ្ដាលទើបជនមួយក្ដាប់តូចនោះហ៊ានលួចចាក់ដីចូល លុបព្រែកបែបនេះ។
អ្នកដែលហ៊ានទិញដីតាមបណ្ដោយមាត់ព្រែកនេះភាគច្រើន(ច្រើនកន្លែង)គឺជាកូនប្រសារនឹងដន្លង(ម្ដាយកូនប្រសារលោកមេភូមិព្រែកករបៅទី១)”ជាអ្នកទិញយកពីជនខិលខូចទាំងនោះដោយមិនញញើតមិនខ្វល់ពីច្បាប់រឺក៏ដកហូតយកដីវិញពីអាជ្ញារធរស្រុក ខេត្តឡើយ។
ពេលភ្នាក់ងារព័ត៌មាន ធ្វើការទំនាក់ទំនងតាមទូរសព្ទ័ទៅលោកសុខ សឿនមេភូមិព្រែកក្របៅទី១ដើម្បីចង់ដឹងរឿងចាក់ដីលុបព្រែករបស់រដ្ឋយកធ្វើជាកម្មសិទ្ធផ្ទាល់ខ្លួនខាងលើតែ ទូរសព្ទ័របស់លោកមេភូមិសុខ សឿន តេចូលជាច្រើនដងហើយលោកមិនលើកទទួល។
ចំពោះលោកឈឹម ម៉េងមេឃុំព្រែកអំពិលវិញគាត់បានឆ្លើយប្រាប់ភ្នាក់ងារព័ត៌មានយើងថា៖រឿងដីព្រែកខាងលើមួយនេះគាត់បានដឹងយូមកហើយរូបគាត់ក៍បានរាយការណ៍ជូនលោកប្រធានអន្តរវិសយ័ស្រុកខ្សាច់កណ្ដាលដែលតែគ្មានចំណាត់ការទាល់តែសោះ?!។ បើអាជ្ញាធរឃំរនិយាយចឹងហើយមានន័យថាចប់គឺវាទៅទាំងប៉ីទាំងស្គរហើយ ។ ស្រុកចាយលុយចឹង ៕
