ខេត្តស្ទឹងត្រែង ៖ មានសេចក្តីរាយការណ៍ពីឃុំសេកុងស្រុកសៀមប៉ាងឲ្យដឹងថា៖នៅថ្ងៃទី១៩ខែមេសាឆ្នា២០១៨នេះគេបានឃើញសកម្មភាពប្រព្រឹត្តបទល្មើសឈើប្រណិតប្រភេទបេងនិងធ្នង់នៅតែបន្តកើតមានឡើងឥតឈប់ឈរដោយពួកឈ្មួញបានប្រឈ្មោះលោកផាន់យុទ្ធអភិបាលស្រុកសៀមប៉ាងធ្វើជាសំអាងពេលអ្នកកាសែតសួរនាំពួកគេ។
បើតាមប្រជាពលរដ្ឋបានឲ្យដឹងថា៖ក្រុមថៅកែឈើវាបានដាក់ទុនជាមួយពលរដ្ឋឲ្យចូលកាប់ឈើប្រណិតហើយពួគេធ្វើការប្រមូលទិញជាចំហរយ៉ាងអនាធិបតេយ្យដោយពួកគេយកឈ្មោះថ្នាក់ដឹកនាំក្នុងស្រុកមកប្រើជាពិសេសលោកផាន់យុទ្ធអភិបាលស្រុកសៀមប៉ាងដើម្បីមកគំរាមសមត្ថកិច្ចតាមដងផ្លូវ។
បើតាមសម្តីពីក្រុមឈ្មួញខាងលើបានអោយដឹងថាថ្នាក់ដឹកនាំក្នុងស្រុកបានផ្តាំប្រាប់ពួកគាត់ថាក្នុងជំនួញឈើប្រណិតខាងលើប្រសិនបើមានស្ថាប័នណារឺអ្នកសារព៌តមានមករករឿងរឺទាមទារយកប្រាក់សុំអោយក្រុមឈ្មួញថតផ្តិតយករូបភាពមន្ត្រីទាំងនោះអោយច្បាស់ដើម្បីរាយការជូនលោកចៅហ្វាយស្រុកចាត់ការ។
គេមិនដឹងថាតើលោកចៅហ្វាយស្រុកបើកដៃឲ្យពួកឈ្មួញឬពួកសមត្តកិច្ចស្ថាប័នពាក់ពន្ធក៏ដូចជាមន្ត្ររដ្ឋបាលព្រៃឈើធ្វើឬកកន្ទេលធំបន្លំដេកដើម្បីទទួលលាភសក្ការៈឬយ៉ាងណានោះទេព្រោះពួកគេមិនបានបង្ក្រាបក្រុមប្រជាពលរដ្ឋដែលស៊ីឈ្នួលឈ្មួញនោះឡើយដោយបានបណ្តោយអោយក្រុមឈ្មួញធ្វើការប្រម៉ូលទិញឈើប្រណិតនិងដឹកជញ្ជូនទាំងថ្ងៃដោយសេរីចេញពីភូមិចន្ទុក្រៅនិងភូមិសាម៉ក្រៅឃុំសេកុងស្រុកសៀមប៉ាងឆ្លងកាត់ច្រកអូរវែងចូលស្រុកវ៉ឺនសៃខេត្តរតណៈគីរីនិងបន្តចូលទៅប្រទេសវៀតណាមដោយរលូន។
ថៅកែឈើដែលធ្វើសកម្មភាពប្រមូលទិញឈើខាងលើមានពីរនាក់ប្តីប្រពន្ធត្រូវបានគេស្គាល់ថាឈ្មោះណយ( ដូចគ្នា) រស់នៅភូមិចន្ទុក្រៅឃុំសេកុងស្រុកសៀមប៉ាងជាថៅ កែវ័យក្មេងនិងជាអ្នករកស៊ីឈើប្រណិតកាន់ឆ្នាំផងដែរ ។
មហាជនលើកឡើងថាពួកគាត់មានខកចិត្តយ៉ាងខ្លាំងប្រសិនបើលោកអភិបាលស្រុកសៀមប៉ាងថ្មីនេះមានបញ្ជារដូចក្រុមឈ្មួញបានអះអាងដូចខាងលើមែននោះ។ជំវិញការចោទប្រកាន់ខាងលើក្រុមការងារយើងមិនអាចសុំការភ្លឺពីលោកផាន់ យុទ្ធអភិបាលស្រុកសៀមប៉ាងទេ។
សូមបញ្ជាក់ដែរថា ខេត្តស្ទឹងត្រែងដែល្បីល្បាញថាជាខេត្តមួយដែលសម្បូរព្រៃឈើត្រូវាបានឈ្មួញដោយមានការឃុបឃឹតពីសមត្តកិច្ចទាំងជំនាញនិងអាជ្ញាធរបានកាបើដឹកជួញធ្វើមានធ្វើបានក្លាយជាឧកញ៉ាជាំច្រើននាក់។
ចុងក្រោយនេះក្រោមលេសនៃការប្រមូលឈើនៅបាតអាងទំនប់វារីអាគ្គិសនីនេសាន២រសប់ឧកញ៉ាគិតម៉េងសកម្មភាពកាប់ឈើបានផ្ទុះឡើងយ៉ាងឃោឃៅតាំងពីឆ្នាំ២០១៥រហូតមកដល់ពេលនេះនៅមិនទាន់បញ្ឈប់នៅឡើយបើទោះជាមានសជណរបស់ទីស្តីការគណរដ្ឋមន្ត្រីឲ្យបញ្ឍប់ប្រមូលដឹកជញ្ជូនពីតំបន់សានសាន២ក៏ដោយ។ឈ្មួញធំប្បច្ចុបន្នត្រូវាបគេដឹងថាឈ្មោះម៉ឹកសុផាណារ៉ាតហៅឧកញ៉ជ័យដែលសកម្មក្នុងប្រមូលឈើដែលកកាប់និងដឹកឈើចេញពី ស្រុកសេសាន និងស្រុកសៀមប៉ាង ៕
