មណ្ឌលគិរី ៖ នៅវេលាម៉ោង 4 និង 30នាទី ល្ងាចថ្ងៃ ២១ ខែកុម្ភៈ ឆ្នាំ ២០១៦ មានករណីគ្រោះថ្នាក់ចរាចរណ៍មួយបានកើតឡើង ត្រង់ចំណុចមុខស្នាក់ការសន្តិសុខអាវុធហត្ថ៧៦២ ស្ថិតនៅភូមិមេប៉ៃឃុំពូជ្រៃស្រុកពេជ្រាដាខេត្តមណ្ឌលគិរី ។
បើតាមប្រភពពីរលោក យឹម ចន្ដា ប៉ូលិសចរាចរណ៏បានឲ្យ មុនពេលកើតហេតុគេឃើញ បុរសវ័យចំណាស់ម្នាក់ជិះម៉ូតូឌុបប្រពន្ធ ក្នុងទិសដៅពីទី រួមខេត្តមណ្ឌលគិរីឆ្ពោះទៅ ស្រុកកោះញែក ស្រាប់តែមកដល់កន្លែងកើតហេតុ មានរថយន្តយីឌុបសន្តោងរម៉កមួយគ្រឿង ដែលបើកពីក្រោយក្នុងទិសដៅស្របគ្នាបុកពីក្រោយ ពេញទំហឹងតែម្តង បណ្ដាលរថយន្តបង្កក្រឡាប់ទៅមុខលែងរួច ។ ចំណែកពីនាក់ប្ដីប្រពន្ធរងរបួសធ្ងន់ស្រាល ។
លោកបានបន្តថា ស្ត្រីជាប្រពន្ធមានឈ្មោះ ទូក អ៊ាប អាយុ ៥៧ ឆ្នាំ របួសក្បាលយ៉ាងធ្ងន់ ត្រូវបានបញ្ជូនទៅសង្គ្រោះបន្ទាន់ នៅមន្ទីរពេទ្យបង្អែកខេត្តភ្លាមៗ មិនដឹងថាស្លាប់ឬយ៉ាងណានោះទេ។ ចំណែកប្ដីមានឈ្មោះ សុខ ជេក ភេទអាយុ59ឆ្នាំ រងបួសស្រាល ។ អ្នកទាំងពីរមានស្រុកកំណើតនៅភូមិទី៤ ឃុំស្រែសង្គម ស្រុកកោះញែក បច្ចុប្បន្ន កំពុងសង្គ្រោះនៅមន្ទីរពេទ្យ ។ ចំណែកតៃកុងរថយន្ដត្រូវបានរួតគេចខ្លួនបាន ៕
ដោយ ៖ ហ៊ិន សុគន់
