រាជធានីភ្នំពេញ ៖ ក្រសួងយុត្តិធម៌បានសម្រេចស្នើសុំប្រមុខរាជរដ្ឋាភិបាលដើម្បីបន្ធូរបន្ថយទោសដល់ទណ្ឌិត៤២រូប និងលើកលែងទោសដល់ទណ្ឌិត៨រូប សម្រាប់ឱកាសបុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះ។ នេះបើតាមលោក គឹម សន្តិភាព អ្នកនាំពាក្យក្រសួងយុត្តិធម៌បានបញ្ជាក់ប្រាប់អ្នកសារព័ត៌មាននៅព្រឹកថ្ងៃទី១១ ខែមេសា ឆ្នាំ២០១៨នេះ។
លោក គឹម សន្តិភាព បានបញ្ជាក់ថា គណៈកម្មការជាតិបានពិនិត្យ និងសម្រេចស្នើសុំការអនុគ្រោះទោសដល់ទណ្ឌិតសរុប៥០រូប (ស្ត្រី៦រូប) ក្នុងនោះបន្ធូររបន្ថយទោសដល់ទណ្ឌិតចំនួន៤២រូប និងលើកលែងទោសដល់ទណ្ឌិតចំនួន៨រូប សម្រាប់ឱកាសបុណ្យចូលឆ្នាំថ្មីប្រពៃណីជាតិខាងមុខនេះ ក្នុងចំណោមបញ្ជីដែលបានស្នើសុំពីគណៈកម្មការក្រសួងមហាផ្ទៃ និងគណៈកម្មការរាជធានីខេត្តចំនួន៣២១រូប៕
