មណ្ឌលគិរី ៖ ពិធីប្រកាសផ្ទេរភារកិច្ច និងតែងតាំងមុខតំណែង អភិបាលនៃគណៈអភិបាលខេត្តមណ្ឌលគិរី នឹងប្រព្រឹត្តនៅព្រឹកថ្ងៃទី ១៨ខែកុម្ភៈឆ្នាំ២០១៦នេះ នៅសាលប្រជុំក្រុមប្រឹក្សាសាលាខេត្តមណ្ឌលគិរី ដោយឯកឧត្តម ស្វាយសំអ៊ាង អភិបាលរងខេត្តមណ្ឌលគិរី ទទួលមុខតំណែងថ្មីជាអភិបាលខេត្តមណ្ឌលគិរី ចំណែកឯកឧត្តម អេង ប៊ុនហ៊ាង អតីតអភិបាលខេត្តមណ្ឌលគិរី ត្រូវបានចូលនិវត្តិន៍។
ពិធីនោះដែរប្រព្រឹត្តទៅក្រោមអធិបតីភាពដ៏ខ្ពង់ខ្ពស់ សម្តេចក្រឡាហោ ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ។និងមានការចូលរួមពីសំណាក់មន្ត្រីជុំវិញខេត្តយ៉ាងច្រើនកុះករផងដែរ ។
ក្នុងវិធីខាងលើនេះ សម្ដចក្រឡាហោមមានប្រសាសន៍ដាស់តឿនដល់ឯកឧត្តម ស្វាយ សំអ៊ាងដែលទើបនិងទទួលតំណែងជាអភិបាលខេត្តថ្មីត្រូវខិតខំអោយអស់លទ្ធភាពក្នុងការធ្វើការងារដើម្បីបំរើជូនប្រជាពលរដ្ឋរបស់យើង ។
សម្ដចបន្តទៀតថាមិនមែនតែឯកឧត្តមស្វាយ សំអ៊ាងម្នាក់នោះទេដែលត្រូបំរើប្រជាពលរដ្ឋ មន្ត្រីរាជការទាំងអស់នៅក្នុងខេត្តមណ្ឌលគីរីត្រូវតែអនុវត្តន៍ផែនការអោយបានគ្រប់ៗគ្នាដែលរាជរដ្ឋាភិបាលប្រគល់ជូន ៕
ហ៊ិន សុគន់
