មណ្ឌលគិរី៖ បុរសជនជាតិដើមភាគតិចត្រូវបានជនមិនស្គាល់មុខលបលួចបសញ់សម្លាប់ គ្រាដែលកំពុងដេក លង់ លក់ក្នុងអង្រឹង។ករណីយ៍ នេះបានកើតឡើងនៅផ្ទះជនរងគ្រោះ កាលពីម៉ោងប្រមាណជា៩និង២៦នាទីយប់ថ្ងៃទី១៧កុម្ភះ២០១៦ស្ថិតក្នុងភូមិក្លប់ ឃុំសុខសាន្ត ស្រុកកោះញែក។ជនរងគ្រោះបានដាច់ខ្យល់ស្លាប់ភ្លាមៗក្រោយលឺស្នូរកាំភ្លើងផ្ទុះ១ គ្រាប់នោះ។អធិការនគរបាលស្រុកកោះញែកលោក កាន់ ពេញ កំពុងដុតដៃដុតជើងស៊ើបអង្កេតក្នុងករណីនេះ។
លោកថា ភ្លាមៗសមត្ថកិច្ចមិនទាន់កំណត់មុខសញ្ញាបាននៅឡើយគ្រាដែលក្រុមគ្រួសារជនរងគ្រោះ កំពុងតែយំយែក ជាហេតុធ្វើអោយសមត្ថកិច្ចមិនអាចសាកសួរបាន ។
នៅព្រឹកថ្ងៃ១៨កុម្ភះនេះ សមត្ថកិច្ចកំពុងតែសួរនាំ ទៅលើមនុស្សមួយចំនួន ដើម្បីកំណត់មុខសញ្ញាជនបង្ក ។
លោកបញ្ជាក់ថា ជនរងគ្រោះ មានឈ្មោះផ្លាល ព្យុ អាយុ២៧ឆ្នាំ ជាជនជាតិព្នងមានទីលំនៅកន្លែងកើតហេតុខាងលើ ត្រូវបានជនបង្ករប្រើកាំភ្លើងបាញ់ចំក្បាលពីខាងក្រោយ ធ្លាយទៅមុខស្លាប់ភ្លាមៗតែម្តង។
មកដល់ពេលនេះគេនៅមិនទាន់អាចបញ្ជាក់ពីអត្តសញ្ញាណជនបង្ករនៅឡើយព្រោះស្ថិតក្នុងដំណាក់កាលសមត្ថកិច្ចតាមដាន ហើយគេនៅមិនទាន់ដឹងផងដែរអំពីគោលបំណងនៃឃាតករ ថាតើការ សំលាប់នោះ ដើម្បីយក ផលប្រយោជន៍អ្វីពីជនរងគ្រោះនោះទេ ។
គួររំលឹកផងដែរថាករណីយ៍ដែលកើតមានឡើងនៅស្រុកកោះញែកភាគច្រើននៅតាមតំបន់ដាច់ស្រយ៉ាល ហើយអសន្តិសុខនិងកើតមានជាញឹកញាប់ ក្នុងករណី ខាងនេះផងដែរប្រជាពលរដ្ខកំពុងមានក្តីបារម្ភណ៍យ៉ាងខ្លាំងពីបញ្ហាសន្តិសុខនិងសុវត្តិភាពពួកគាត់ ដោយកត្តាល្បែងស៊ីសងច្រើនកន្លងមកនៅក្នុងស្រុកនេះ ៕