ត្បូងឃ្មុំ៖ចាប់បានហើយប្តីកំណាចជាឃាតកដែលកាប់សម្លាប់អារក ប្រពន្ធនិងកូន៣នាក់នៅស្រុកត្បូងឃ្មុំកាលពីវេលាម៉ោង១២យប់ឈានចូលថ្ងៃទី០១ខែមេសា ដែលបង្កការភ្ញាក់ផ្អើលនៅម៉ោង១១ថ្ងៃ ត្រង់ថ្ងៃទី ០១ ខែមេសា ឆ្នាំ២០១៨ នៅក្នុងផ្ទះក្បឿងមួយកន្លែង ស្ថិតក្នុងភូមិដូនតី ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ ។សមត្តកិច្ចឲ្យដឹងថា៖ជនសង្ស័យឈ្មោះ ជ្រាំង តូភេទប្រុសអាយុ ៤៨ ឆ្នាំ ជាឪពុកទារកនៅក្នុងផ្ទៃ និងជាឪពុកចុង ប្ដីជនរងគ្រោះទាំង៣នាក់។ជននេះត្រូវបានសមត្ថកិច្ចឃាត់ខ្លួននៅល្ងាចថ្ងៃទី០៥ ខែមេសា ឆ្នាំ២០១៨ នៅខេត្តឧត្តរមានជ័យកន្លែងដែលចនសង្ស័យគេចខ្លួន។
លោកឧត្តមសេនីយ៍ទោ បែន រ័ត្នស្នងការនគរបាលខេត្តត្បូងឃ្មុំ បានប្រាប់ឲ្យដឹងថា ប្រតិបត្តិការយ៉ាងក្ដៅគគុកនេះ ត្រូវបានធ្វើឡើងដោយកម្លាំងនគរបាលខេត្តត្បូងឃ្មុំ សហការជាមួយកម្លាំងនគរបាលខេត្តឧត្ដរមានជ័យ និងកម្លាំងនគរបាលនាយកដ្ឋានព្រហ្មទណ្ឌ ក្រសួងមហាផ្ទៃ ក្រោមការបញ្ជារពីនាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ! ទើបស្រាវជ្រាវឈានដល់ដល់ការចាប់ខ្លួនជននេះនៅខេត្តមរមានជ័យនិងបញ្ជូនមកខេត្តត្បូងឃ្មុំ ដើម្បីឲ្យទទួលទោសទាន់តាមច្បាប់។
លោកវរសេនីយ៍ តូ ឆៃលាង មេបញ្ជាការមូលដ្ឋានកងរាជអាវុធហត្ថស្រុកត្បូងឃ្មុំបានឲ្យដឹងថា សពជនរងគ្រោះត្រូវបានជនល្មើស កាប់សំដៅក ស្លាប់ទាំងបីនាក់នៅលើផ្ទះតែម្តងពេលដេកលក់។
ទី១ ជាម្តាយឈ្មោះ ឃាង សុកលាន អាយុ ៤២ ឆ្នាំ(កូនក្នុងផ្ទៃអាយុជាងពីរខែម្នាក់ទៀត)
ទី២. ជាកូនដើមឈ្មោះ ធឿន វណ្ណ: ភេទប្រុស អាយុ ១៧ ឆ្នាំ។និងទី៣. ធឿន ធារី ភេទប្រុស អាយុ ១១ ឆ្នាំ។ជនដៃដល់ទំនងជាធ្វើសកម្មភាពនៅពេលជនរងគ្រោះទាំងនោះ កំពុងដេកលង់លក់។ ក្រោយពីសម្លាប់ជនរងគ្រោះជាម្ចាស់ផ្ទះ គឺបានប្រមូលយកទ្រព្យសម្បត្តិសរុបជាទឹកប្រាក់ប្រហែលជាង មួយម៉ឺន ដុល្លារ។
