ខេត្តបន្ទាយមានជ័យ ៖ ផ្លូវដែកកម្ពុជាពីប៉ោយប៉ែតមកសិរីសោភ័ណខេត្តបន្ទាយមានជ័យនឹងបើកដំណើរការថ្ងៃទី៤ ខែមេសាឆ្នាំ២០១៨ ស្អែកនេះ ប៉ុន្តែនៅនឹងទីតាំងគេឃើញសល់ការងារជាច្រើនមិនទាន់រួចរាល់ ។
ក្រុមការងារបង្ហើបប្រាប់ថា ការងារទាំងឡាយនឹងរួចរាល់និងត្រៀមលក្ខណ:សម្រាប់ការបើកដំណើរការឡើងវិញផ្លូវដែក កំណាតពីក្រុងប៉ោយប៉ែតមកក្រុងសិរីសោភ័ណនាថ្ងៃទី៤ខែមសា ស្អែកនេះ ។ ចំណែកក្រសួងសាធារណាការ និងដឹកជញ្ជូនបានប្រកាសថា រដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល នឹងចូលរួមជាអធិបតីបើកដំណើរការឡើងវិញផ្លូវដែកពីក្រុងប៉ោយប៉ែតមកក្រុងសិរីសោភ័ណនេះនៅថ្ងៃទី៤ខែមសា ហើយបងប្អូន ប្រជាពលរដ្ឋអាចធ្វើដំណើរតាមរថភ្លើងនេះបានដោយឥតគិតថ្លៃចាប់ពីថ្ងៃទី០៤ ខែមេសា ដល់ថ្ងៃទី៣១ ខែកក្កដា ឆ្នាំ២០១៨។ផ្លូវដែកពីប៉ោយប៉ែតមកសិរីសោភ័ណខេត្តបន្ទាយមានជ័យនេះមានប្រវែង ៤៨ គមដែលត្រូវឆ្លងកាត់៦ ស្ថានីយ៍គឺស្ថានីយ៍ប៉ោយប៉ែត- កូប- សូភី- សាលាក្រហម- ទឹកថ្លា- សិរីសោភ័ណ)។
ចំពោះក្រុមហ៊ុនរ៉ូយ៉ាល់រេវេ(Royal Raiway) ជាអ្នកផ្តល់សេវាដឹកជញ្ជូនវិញបានប្រកាសថា ដំណើរការឡើងវិញសាកល្បង ៤ខែពីថ្ងទី៤មេសាដល់ថ្ងៃទី៣១កក្កដាឆ្នៃ២០១៨នេះ អ្នកដំណើរនឹងជិះដោយ-ឥតគឹតថ្លៃ និងក៏ដើម្បីអបអរបុណ្យឆ្នាំថ្មីប្រពៃណីខ្មែរឆ្នាំចនាពេលខាងមុខផង។ ក្នុងនោះកម្មវិធីជិះមាន ៣ជើងចេញពីប៉ោយប៉ែតមកសិរីសោភ័ណ និង៣ជើងពីសិរីសោភ័ណត្រឡប់ទៅប៉ោយប៉ែតវិញ ដោយចាប់ផ្តើមពីម៉ោង៧ព្រឹកនិងចប់នៅម៉ោង៥និង១៥នាទីល្ងាច។ ដំណើរការដំបូងនេះ ខ្សែរថមានក្បាលម៉ាស៊ីន១ ទូររអ្នកដំណើរបំពរកកៅអីពួកនិងមានម៉ាស៊ីនត្រជាក់ ១ទូ និងទូរដឹកឥវ៉ាន់១៕