ខេត្តមណ្ឌលគីរី ៖ នៅវេលាម៉ោង២១ និង២៦នាទី ថ្ងៃទី១៧ ខែកុម្ភៈ ឆ្នាំ២០១៦ លោក កាន់ ពេញ អធិការស្រុកកោះញ៉ែកបានឲ្យដឹងថា មានករណីឃាតកម្ម បាញ់ស្លាប់មនុស្ស ០១ នាក់ នៅចំណុច ក្រុមគែរពៅ ភូមិក្លងឡែ ឃុំសុខសាន្ត ស្រុកកោះញែក ខេត្តមណ្ឌលគិរី ។
ជនរងគ្រោះឈ្មោះ ផ្លាល ព្យុត ភេទ ប្រុស អាយុ២៧ឆ្នាំ ជនជាតិ ព្នង ទីលំនៅ នៅភូមិកើតហេតុខាងលើ ។
ជនល្មើសបានប្រើកាំភ្លើង (មិនទាន់ដឹងប្រភេទ ព្រោះមិនទាន់រកឃើញសំបកគ្រាប់) បាញ់ជនរងគ្រោះដែលកំពុងដេកអង្រឹងក្នុងផ្ទះ ចំនួន០១គ្រាប់ចំក្បាល ពីខាងក្រោយ ធ្លាយមកចំកណ្តាលថ្ងាស បណ្តាលឲ្យជនរងគ្រោះស្លាប់ភ្លាមៗ នៅនឹងកន្លែងកើតហេតុ ។ ក្រោយបាញ់រួច ជនល្មើសបានរត់គេចខ្លួន ។
បច្ចុប្បន្ន កំលាំងប៉ូលិសកំពុងស្រាវជ្រាវ ដើម្បីចាប់ជនល្មើសមកផ្ដន្ទាទោស ៕
