កំពង់ឆ្នាំង ៖ ប្រជាពលរដ្ឋនៅក្នុងភូមិស្រះចក ឃុំលង្វែក ស្រុកកំពង់ត្រឡាច ខេត្តកំពង់ឆ្នាំងបាននិងកំពុងមានការព្រួយបារម្ភនិងមិនសប្បាយចិត្តព្រោះមានលេចឮថាអាជ្ញាធរស្រុកបានត្រៀមចេញប្លង់កម្មសិទ្ធិដីធ្លីអោយក្រុមហ៊ុនចិនដែលបានទិញដីពីប្រជាពលរដ្ឋនៅចំណុចថ្នល់ចាមថិតក្នុងភូមិស្រះចក ស្រុកកំពង់ត្រឡាច ខេត្តកំពង់ឆ្នាំង ផ្ទុយមកវិញ ដីលំនៅដ្ឋានដីស្រែ ឬចំការ ដែលគាត់កាន់កាប់ដីធ្លីតាំងពីរឆ្នាំ ១៩៧៩មកនោះបែជាមិនលិចលឺដំណឹងល្អដូចដីក្រុមហ៊ុនសោះ!!!។
ចំពោះពតិមានេះប្រជាពលរដ្ឋមានមានដីធ្លីនៅតំបន់នោះបាន សំណូមពរ ស្នើសុំដល់លោក ឈួ ច័ន្ទឌឿន អភិបាលខេត្ត កំពង់ឆ្នាំង លោកងិន ហ៊ុនប្រធានមន្ទីរកសិកម្ម រុក្ខាប្រមាញ់និងនេសាទខេត្តលោក លី សុភា ប្រធានមន្ទីររៀបចំដែនដី សំណង់និងសុរិយោដីខេត្តកំពង់ឆ្នាំង សូមមេត្តាជួយពិនិត្យនិងមានវិធាការ ករណីនេះផង។
ករណិយ៍នេះ លោក លី សុភា ប្រធានមន្ទីរសុរិយោដីខេត្តកំពង់ឆ្នាំង បញ្ជាក់ថា៖ករណីចេញប័ណ្ណអោយក្រុមហ៊ុនរឺប្រជាពលរដ្ឋគឺមិនមានទេ។ អាជ្ញាធរស្រុកមិនមានសិទ្ធចេញប័ណ្ណអោយអ្នកណាម្នាក់ឡើយ។ នេះបើយោងសារាចរណ៍លេខ ០២ ចុះថ្ងៃទី២៧ ខែមិនា ឆ្នាំ២០១៣ ស្តីពីការចេញប័ណ្ណកម្មសិទ្ធជូនប្រជាជន ដោយឡែកដីប៉ែកខាងកើតផ្លូវជាតិលេខ៥ គឺមិនអនុញ្ញាតចេញប័ណ្ណជូនឡើយមិនថាក្រុមហ៊ុនរឺសប្រជាពលរដ្ឋនោះឡើយ។ប៉ុន្តែប្រជាពលរដ្ឋអាចអាស្រ័យផលនៅលើដីនោះបាន។
ពាក់ព័ន្ធករណីខាងក្រោមនេះ អភិបាលខេត្តបានចាត់ក្រុមចម្រុះ នៅថ្ងៃទី២២ ខែមិនា ឆ្នាំ២០១៨ នៅវេលាម៉ោង ១១និង ១៧នាទីនៅសាលាឃុំលង្វែក មានបើកកម្មកិច្ចប្រជុំរកដំណោះស្រាយដីធ្លីនៅចំនុចខាងលើ ដោយមានវត្តមាន លោក ឈឹម វុទ្ធា អភិបាលស្រុកកំពង់ត្រឡាច លោក កែវ រិទ្ធី រងមន្ទីកសិកម្មខេត្ត លោក លី សុភា ប្រធានមន្ទីរសុរិយោដីខេត្តកំពង់ឆ្នាំង រួមទាំងគណៈកម្មាការឯកភាពខេត្ត។
ប្រជាពលរដ្ឋតំបន់នោះប្រាប់ថា កន្លងមកថ្មីៗនេះបានលេចធ្លាយព័ត៍មានថា អាជ្ញាធរ ស្រុកកំពង់ត្រឡាច បានត្រៀមចេញប្លង់កម្មសិទ្ធិដីធ្លី អោយក្រុមហ៊ុនចិនមួយ អតីតស្ថិតនៅក្នុងដីឡូត៍លេខ១៨ ជាដីព្រៃលិចទឹករដូវទឹកឡើង!មាន ទីតាំងដីនៅចំនុចខ្នាចរមាស ស្ថិតនៅក្នុងភូមិស្រះចក ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។ចំណែកប្រជាពលរដ្ឋមានតែលិខិតបញ្ជាក់នឹងចុងសន្លឹកកាន់កាប់ដីធ្លីប៉ុណ្ណោះ។
ប្រជាពលរដ្ឋបានអោយដឹងថា បច្ចុប្បន្នគាត់ឃើញមានក្រុមឈ្មួញរកស៊ីទិញលក់ដីហើយគួគជេរ បានដើរប្រមូលទិញដីពីរប្រជាពលរដ្ធនឹងបានបញ្ចុះបញ្ចូលពលរដ្ធអោយលក់ដីដែលមាននៅទីកន្លែងនោះអោយទៅពួកគេក្នុងតម្លៃថោក ១ម៉ែត្រការេ ស្មើរ(៧កាក់ដុល្លារអាមេរិក) ។ប្រភពបង្ហើបថា គេបំភ័យដល់ប្រជាពលរដ្ឋដូចជា បើមិនព្រមលក់ដីនៅតំបន់នោះ អោយពួកគេទេ!! មុននឹងក្រោយត្រូវបានគេដកហូតយកដីទាំងអស់នោះមកវិញ ពីព្រោះដីនេះជាដីរបស់រដ្ឋ គ្មាននរណាហ៊ានចេញប្លង់កម្មសិទ្ធិដីធ្លីអោយឡើយ ដីមួយចំនួនសព្វថ្ងៃត្រូវបានពួក ក្រុមឈ្មួញ ធ្វើការលក់ដីទៅអោយក្រុមហ៊ុនចិនមួយនោះដែលគ្មានផ្លាក់យីហោ ។
ប្រជាពលរដ្ឋនៅតំបន់នោះបានសម្តែងការព្រួយបារម្ភថា៖ ហេតុអ្វីដីលំនៅដ្ឋាន ដីស្រែ ឬចំការម្ត៉េច ក៍រាជរដ្ឋាភិបាលមិនចេញប្លង់កម្មសិទ្ធិអោយពួកគាត់ ដែលបានរស់នៅកាន់កាប់ដីធ្លីតាំងពីរឆ្នាំ ១៩៧៩មកម្លេះ។ប៉ុន្តែហេតុអ្វីបានជាលេចឮពតិមានថា អាជ្ញាធរភូមិ ឃុំ ស្រុក ខេត្ត នឹងមន្ទីរពាក់ព័ន្ធប្រុងនឹងត្រៀមចេញប្លង់កម្មសិទ្ធិដីធ្លី អោយទៅក្រុមហ៊ុនចិន នោះបានស្របច្បាប់ទៅវិញ? ។
កាលពីនៅថ្ងៃទី២៣ ខែមិនា ឆ្នាំ២០១៨ លោក តូច អ៊ី ជាមេឃុំលង្វែក បានបញ្ជាក់ប្រាប់ សារព័ត៍មាន)អោយដឹងថា៖ ដីដែលប្រជាពលរដ្ឋបានលក់ទៅអោយក្រុមហ៊ុនចិននោះជាដីស្រែប្រាំង ប៉ុន្តែដីទាំងអស់នោះអតីតស្ថិតនៅក្នុងតំបន់ឡូតិលេខ១៨ ប៉ុន្តែដីដែលក្រុមហ៊ុនចិនបានទិញនោះបានធ្វើការជីកកាយជាលក្ខណៈស្រះទឹកមានទំហំដីតែ២ហិចតាទេ។ តែចំនួនផ្ទៃដីរួម មានចំនួនរហូតដល់(៤១ហិចតាឯណោះ)។
