មណ្ឌលគិរី ៖ ទំនប់លើនឹងទំនប់ក្រោមស្ថិតនៅក្នុងក្រុងសែនមនោរម្យគឺជាបឹងធម្មជាតិ និងជាប្រភពទឹកសម្រាប់ផលិតទឹកស្អាត់ប្រើប្រាស់ក្នុងក្រុងសែនមនោរម្យ ចាំបាច់ត្រូវរក្សាបឹងធម្មជាតិ នេះបើតាមប្រសាន៍របស់ឯកឧត្តមទេសរដ្ឋមន្ត្រី អឹម ឈុនលឹម រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង អញ្ជើញចុះត្រួតពិនិត្យ ការអភិវឌ្ឍន៍ រៀបចំកែលម្អនៅជុំវិញទំនប់នៅរសៀលថ្ងៃទី១១ ខែកុម្ភៈនេះ។
ឯកឧត្តមទេសរដ្ឋមន្ត្រី បានមានប្រសាសន៍បន្តទៀតថា ទំនប់មិនត្រឹមតែជាបឹងធម្មជាតិ និងជាប្រភពទឹកស្អាត់នោះទេ បឹងនេះនឹងទាក់ទាញភ្ញៀវទេសចរណ៍មកលេងក្នុងខេត្តមណ្ឌលគិរី បន្ថែមទៀត ពីព្រោះបឹងជាចំណែកទីក្រុងស្អាត់ ដូច្នេះស្នើដល់គណៈកម្មការគ្រប់គ្រងដីរដ្ឋខេត្ត រៀបបចំយកនូវនិយាមការទំហំបឹងអោយបានច្បាស់លាស់ ស្នើសុំទៅរាជរដ្ឋាភិបាល ដើម្បីកំណត់បឹងនេះជាបឹងធម្មជាតិ ។
សូមបញ្ជាក់ថា ការអភិវឌ្ឍន៍កែលម្អនៅជុំវិញទំនប់ ត្រូវបានធ្វើការឈូសឆាយរួចរាល់ដែលមានប្រវែងចំនួន១.០០០ម៉ែត្រ ទទឹងមានចំនួន១១ម៉ែត្រ នៅតែដាំស្មៅជើងតេ ដែលចំណាយថវិការបស់សាលាខេត្តមណ្ឌលគិរី ហើយនឹងរួចរាល់នៅមុនបុណ្យចូលឆ្នាំខ្មែរ ដែលជាបុណ្យប្រពៃណីជាតិខាងមុខនេះ៕
ដោយ ៖ ហ៊ិន សុគន់
