រាជធានីភ្នំពេញ ៖ ទណ្ឌិត សម រង្ស៊ី បានបង្ហោះសារមួយលើប្រព័ន្ធហ្វេសប៊ុករបស់ខ្លួន ដោយលើកឡើងថា គាត់ត្រៀមខ្លួនជួបចរចាជាមួយសម្តេច ហ៊ុន សែន ដើម្បីរកដំណោះស្រាយ ជូនប្រទេសកម្ពុជា ។ ប៉ុន្តែលោកថា ដំណោះស្រាយមួយដែលភាគីទាំងពីរអាចទទួលយកបាន ហើយដែលមានការធានាពីអន្តរជាតិផងដែរ ។
ប្រតិកម្មទៅនឹងការលើកឡើងរបស់ទណ្ឌិត សម រង្ស៊ី នោះលោក សុខ ឥសាន អ្នកនាំ ពាក្យ CPP បានចំអកថា ពួកប្រឆាំងលុះពេលទឹកដល់ច្រមុះអ្វីៗ ត្រូវអស់ពីខ្លួនអស់ទាំងជីវិតនយោ បាយ អស់ទាំងផ្លូវដើរ បែរជាមកចង់សុំចរចា ដើម្បីឲ្យមានដង្ហើមរស់ឡើងវិញ ក្រោយដែលបាន ដើរទៅលូនក្រាបបរទេសឲ្យជួយមិនបានការមួយជុំផែនដីទៅហើយ ។ លោកថា ការបិទផ្លូវចរចា ជាមួយពួកនេះ គឺជាការត្រឹមត្រូវ ព្រោះវាជាពួកឧទ្ទាមក្រៅច្បាប់ ។ ពួកនេះគ្មានតម្លៃអ្វីទាល់តែ សោះក្នុងការលូនមកសុំការចរចាជាមួយគណបក្សប្រជាជនកម្ពុជានោះទេ ។
ទាក់ទិនករណីខាងលើនេះ នាយករដ្ឋមន្ត្រីកម្ពុជាសម្តេច ហ៊ុន សែន ធ្លាប់បានលើកឡើង ថា សម្តេចមិនអាចចរចាជាមួយគណបក្សប្រឆាំងបានឡើយ ពីព្រោះការដូតរូបទីងមោង ការធ្វើបាតុកម្មប្រឆាំងសម្តេច បង្ហាញថា គណបក្សប្រឆាំងគ្មានឆន្ទះ និងភាពស្មោះត្រង់ក្នុងការចរចា ៕