ខេត្តស្ទឹងត្រែង ៖ រថយន្តសាំងយ៉ុងដឹកឈើលេខ២ចំនួន៦គ្រឿងត្រូវបានកម្លាំងកងរាជអាវុធហត្ថខេត្តស្ទឹងត្រែងបង្ក្រាប ខណៈកំពុងធ្វើសមក្មភាពដឹកឈើនៅលើដងផ្លូវជាតិកាលពីយប់ទៀបភ្លឺឈានចូលថ្ងៃទី២៣ ខែមិនា ឆ្នាំ២០១៨នេះ ស្ថិតនៅសង្កាតសាមគ្គី ក្រុងស្ទឹងត្រែងខេត្តស្ទឹងត្រែង។
សមត្ថកិច្ចបានឲ្យដឹងថា ប្រតិបត្តិការណ៍នេះធ្វើឡើងក្រោមការដឹកនាំបញ្ជារដោយ លោកឧត្តមសេនីយ៍ត្រី អៀង វ៉ាន់ ឌី មេបញ្ជារការកងរាជអាវុធហត្ថ ខេត្តស្ទឹងត្រែង និងមានលោក នាយឧត្តមសេនីយ សៅ សុខា អគ្គមេបញ្ជារការ កងរាជអាវុធហត្ថលើផ្ទៃ លោកបានដាក់បទបញ្ជារយ៉ាងម៉ឺងម៉ាត់ ឲ្យកងរាជហត្ថអាវុធខេត្តស្ទឹងត្រែងក៏ដូចជាកងរាជអាវុធហត្ថទូទាំងប្រទេសទាំងអស់ឲ្យបង្ក្រាបបទល្មើសព្រៃឈើទាំងអស់ឲ្យខានតែបាន ។
ប្រភពពីសមត្ថកិច្ចបានឲ្យដឹងថាក្រោយការបង្ក្រាបរថយន្តដឹកឈើខាងលើត្រូវបានសមត្ថកិច្ចអូសយកមករក្សាទុកនៅទីបញ្ជារកងរាជអាហត្ថខេត្ត។ សមត្ថកិច្ចបានបន្តថា លុះព្រឹកថ្ងៃទី២៣ខែមិនាឆ្នាំ២០១៨កងរាជអាវុធហត្ថបានរៀបចំធ្វើកំណត់ហេតុប្រគល់ទៅរដ្ឋបាលព្រៃឈើបន្តនីតិវិធីតាមផ្លូវច្បាប់។
សូមបញ្ជក់ផងដែរថា រថយន្តដឹកឈើនេះខាងលើត្រូវបានប្រពលរដ្ឋបង្ហើបដឹងថា បានដឹកចេញពីម្ដុំ ភូមិអូរស្វាយឫចំណុចព្រៃចាស់ ដុងកាចែម ស្ទើរតែរាល់ថ្ងៃ មិនលស់សោះឡើយ ហើយរថយន្តដឹកឈើទាំងនេះបង្កឲ្យមានការភិតភ័យដល់ប្រជាពរដ្ឋ ដែលធ្វើដំណើរនៅលើដងផ្លូវជាតិ ឬអាចជួបគ្រោះថ្នាក់ចរាចរណ៍ដោយយថាហេតុ៕