មណ្ឌលគិរី ៖ នៅព្រឹកថ្ងៃទី៨ខែកុម្ភះនេះ កម្លាំងនៃស្នងការនគរបាលខេត្ត ដឹកនាំដោយ លោកឧត្តមសេនីយ៍ត្រី តូច យ៉ុន ស្នងការខេត្តនគរបាលមណ្ឌលគិរី បានដឹកនាំកម្លាំងចុះល្បាត់នៅក្នុងផ្សាក្រុងសែនមនោរម្យ ខេត្តមណ្ឌលគិរី ដើម្បីការពារនូវសន្យិសុខសុវត្ថិភាពជូនប្រជាពលរដ្ឋ ជាពិសេសនៅតាមធានាគារ នៅតាមកន្លែងផ្ទេរលុយវីង និងនៅតាហាងលក់មាស ដែលងាយរងគ្រោះ។
លោកឧត្តមសេនីយ៍ត្រី តូច យ៉ុន ស្នងការនគរបាលខេត្ត បានមានប្រសាសន៍ថា លោកដឹកនាំកម្លាំងចុះល្បាត គឺដើម្បីការពារនូវសន្តិសុខ និងសណ្តាប់ធ្នាប់ជូនប្រជាពលរដ្ឋនៅក្នុងក្រុងសែនមនោរម្យ ហើយការចុះល្បាត់គឺធ្វើជាប្រចាំ ដោយបែងចែកកម្លាំងជា២ក្រុម ដោយមួយៗក្រុមមានកម្លាំងចំនួន៤នាក់ ។
លោកបានបានមានប្រសាន៍បន្តទៀតថា ការចុះល្បាត់នេះ គឺលោកបាបដាក់បញ្ជាឲ្យកម្លាំងអធិការដ្ឋាននៅតាមស្រុកចុះល្បាតជាប្រចាំផងដែរ ក្នុងនោះហាមឃាត់នៅការលេងល្បែងស៊ីសងគ្រប់ប្រភេទ ទប់ស្កាត់ការប្រើអំពើហិង្សា ការលួចឆក់ប្លន់ ជាពិសេសអនុវត្តនូវគោលនយោបាយភូមិឃុំមានសុវត្ថិភាទាំង៩ចំនុចរបស់រាជរដ្ឋាភិបាល ៕
ហ៊ិន សុគន់