រាជធានីភ្នំពេញ ៖ ថ្មីៗនេះ អតីតមន្ត្រីជាន់ខ្ពស់ CNRP អ្នកស្រី មួរ សុខហួរ បានស្នើសុំឲ្យរដ្ឋាភិបាលអូស្ត្រាលីឲ្យផ្អាកការទិញសម្លៀកបំពាក់ពីកម្ពុជា ដើម្បីដាក់ការកៀបសង្កត់រដ្ឋាភិបាលភ្នំពេញឲ្យគោរពសិទ្ធិមនុស្ស ប្រជាធិបតេយ្យ រួមទាំងការដោះលែងលោក កឹម សុខា ផងដែរ ។
ប៉ុន្តែសំណើររបស់លោកស្រី មួរ សុខហួរ ត្រូវបានសម្ព័ន្ធសហជីពជាតិ របស់លោក ហ្វា សាលី បានសម្តែងការខឹងសម្បា និងថ្កោលទោសដាច់អហង្ការ ហើយចាត់ទុកការថ្លែងដដែលរបស់អ្នកស្រី មួរ សុខហួរ បែបនេះ គឺជាសារដ៏អាក្រក់សម្រាប់ ប្រជាជនកម្ពុជាទាំងមូលរួមមាន៖ កម្មការិនី កម្មករ អាជីវករ កសិករ ពលករ អ្នករត់កងបី តាកស៊ី។ល។ ដែលរស់នៅប្រកប និងពឹងផ្អែកលើវិស័យមួយនេះ ហើយបានធ្វើឲ្យកម្មករ-កម្មការិនី ទូទាំងប្រទេសខកចិត្ត ខឹងសម្បារយ៉ាងខ្លាំងចំពោះការវិការ ចេតនា និងទង្វើដែលនឹងបានកំពុងបំផ្លាញវិស័យមួយនេះឲ្យរលាយសាបសូន្យពីកម្ពុជា ៕