សូមស្វាគមន៍ ទ្រង់ សម្តេច ឯកឧត្តម លោកជំទាវ លោក លោកស្រី និង ប្រិយមិត្តអ្នកអានទាំងអស់ ចូលមកកាន់គេហទំព័រ យើងខ្ញុំ ។
ព័ត៌មាន​ថ្មី
​បន្ទាប់​ពី​កូនចៅ​ប្តឹង​ប្រធាន អនុប្រធាន ៥​រូប និង​ប្រធាន​ការិយាល័យ ២​រូប​នៃ​មន្ទីរ​រៀបចំ​ដែនដី ខេត្ត​បន្ទាយមានជ័យ ត្រូវ​ផ្ទេរ​ទៅ​ក្រសួង​ - ​រដ្ឋមន្ត្រីក្រសួង​ព័ត៌មាន​រំលឹក​ស្ថានីយ៍ទូរទស្សន៍​និង​ពិធីករ​ឲ្យ​ប្រយត្ន័​ក្នុង​ការផ្សព្វផ្សាយ​ពាណិជ្ចកម្ម​ពី​គ្រឿង​ស្រវឹង​ - អាហារ​សមុទ្រ​នៅ​ផ្លូវ​ត្រឡោកបែក​ប្រយត្ន័​ប៉ះអា​ក្លែងក្លាយ​ - ​សមត្ថកិច្ច​ជលផល​បង្ក្រាប​ការដឹកជញ្ជូន​លៀស​ល្អិតៗ​ចំណី​សត្វ ត្រៀម​ឡើង​រថយន្ត​យកទៅលក់​នៅ​ប្រទេស​វៀតណាម​ - ​ជម្ងឺប៉េស្ត​អាហ្វ្រិក​អុកឡុក​អ្នក​ភូមិ​កណ្តាល​ឃុំ​ខ្សែ​ត្រ​ខេត្ត​ស្វាយរៀង​ - លុបចោល​ក្រុមហ៊ុ​ដឹកជញ្ជូន​ចំនួន​៣៧​ព្រោះ​ផុត​សុពលភាព​ - លៀស​មានតម្លៃ​នៅ​ទីផ្សារ​បង្ក​ភាពហិនហោច​នៅ​បឹង​ទន្លេសាប​ - ​ក្រុមហ៊ុន​ចិន​យល់ព្រម​ឲ្យប្រើ​ប្រាស់​ផ្លូវចូល​-​ចេញ អាកាសយានដា្ឋន​អន្តរ​ជាតិ​សៀមរាប​អង្គរ និង​តម្លៃ​ចំណត​យានយន្ត​ - ទីបំផុត​ពលរដ្ឋ​២៤០​គ្រួសារ​នៅ​ស្រុក​អូរ​គ្រៀង​សែន​ជ័យ អាច​បន្ត​កាន់កាប់​លើ​ដី​អាស្រ័យ​ផល​ជាក់ស្តែង តែ​ហាម​ទន្ទ្រាន​លើ​ដី​សហគមន៍ ទៀត​ - ​រឿង​កូនចៅ​ប្តឹង​ដក​មេ​នគរបាល​ស្រុក​ស្វាយទៀប​ស្ងាត់ឈឹង​មិនដឹង​ទើស​ប្រឡោះ​ស្នែង​ណា​?

​ផ្ទុះ​អាវុធ​ជា​ច្រើន​គ្រាប់​នៅ​ព្រំដែន​ក្នុង​ស្រុក​ម៉ាឡៃ​

​ផ្ទុះ​អាវុធ​ជា​ច្រើន​គ្រាប់​នៅ​ព្រំដែន​ក្នុង​ស្រុក​ម៉ាឡៃ​

​ខេត្ត​បន្ទាយមានជ័យ ៖ តាម​សេចក្ដីរាយការណ៍​ពី​ជាយដែន​ក្នុង​ស្រុក​ម៉ាឡៃ​ប្រាប់ថា មាន​ករណី​ផ្ទុះអាវុធ​ជា​ច្រើន​គ្រាប់​នៅ​ខាង​ភាគី​ថៃ ខណៈ​សមត្ថកិច្ច​កម្ពុជា និង​ថៃ​ឡោម​ព័ទ្ធ​ឃាត់ខ្លួន​ជនសង្ស័យ​ម្នាក់​ពាក់​ពន្ធ​ករណី​ឃាតកម្ម ម្ចាស់​ផ្សារ​ខៅ​ឌីន (​ថៃ​) កាលពី​រសៀល​ថ្ងៃ​ចន្ទ ៣​កើត​ខែ​ចេត្រ ឆ្នាំ​រកា នព្វ​ស័ក ព​.​ស​.២៥៦១ ត្រូវ​នឹង​ថ្ងៃទី​១៩ ខែ​មីនា ឆ្នាំ​២០១៨ នៅ​មាត់​អូរ​ព្រំដែន​កម្ពុជា​ថៃ​ឋិត​ក្នុង​ភូមិ​អូរ​វា ឃុំ​បឹងបេង ស្រុក​ម៉ាឡៃ ខេត្ត​បន្ទាយមានជ័យ​។​

​សេចក្ដីរាយការណ៍​បញ្ជាក់ថា ជនសង្ស័យ​ដែល​សមត្ថកិច្ច​កម្ពុជា​ថៃ​ឡោម​ព័ទ្ធ​នោះ​សមត្ថកិច្ច​កម្ពុជា​ឃាត់ខ្លួន តែ​នៅ​មិន​ទាន់​ស្គាល់​អត្តសញ្ញាណ​ឡើយ ព្រោះ​ក្រោយពី​ការឃាត់ខ្លួន សមត្ថកិច្ច​បាន​បញ្ជូន​មក​ទីបញ្ជាការ​កងរាជអាវុធហត្ថ​ខេត្ត​បន្ទាយមានជ័យ​ដើម្បី​សួរនាំ​។​

​ប្រភព​មួយទៀត​បាន​ប្រាប់ថា ការបង្ក្រាប​នោះ ជា​ករណី​ឃាតកម្ម​ម្ចាស់​ផ្សារ​ខាវ​ឌី​ន​នា​ពេល​កន្លង​ថ្មី​នេះ​។ ចំណែក​ប្រភព​ខ្លះ​ទៀត​ប្រាប់​ថា មិនទាន់​ដឹង​ថា​ជា​ករណី​អ្វី​ឡើយ​។​

​ប្រភព​បញ្ជាក់ថា ជនសង្ស័យ​ខាងលើ​នោះ ត្រូវបាន​កម្លាំង​សមត្ថកិច្ច​ថៃ​ដេញតាម​ចាប់ពី​ប្រទេស​ថៃ ហើយ​ជា​ជនជាតិ​ថៃ គេ​សង្ស័យថា បាន​ប្រពន្ធ​ខ្មែរ ទើប​រត់គេចខ្លួន មក​ពួន​សម្ងំ​នៅ​អូរ​ព្រំដែន​កម្ពុជា ថៃ បម្រុង​ឆ្លងដែន ។ នៅ​ក្នុង​ប្រត្តិបត្តការ​នោះ​ដែរ ខាង​ភាគី​ថៃ​បាន​ផ្ទុះ​អាវុធ​ជា​ច្រើន​គ្រាប់ ខណ​:​ជនសង្ស័យ​ពួន​ក្រាប​នៅ​អូរ​ព្រំដែន ក៏​ត្រូវ​កម្លាំង​សមត្ថកិច្ច​កម្ជុជា​ឃាត់ខ្លួន​តែម្ដង ។​

​ប្រភព​ដាច់ដោយឡែក​មួយ​ទៀត​ថា ជនសង្ស័យ​ខាងលើ​នោះ ជា​ជនជាតិ​ខ្មែរ ក្រោយ​ពី​ការស្រាវជ្រាវ សមត្ថកិច្ច​ថៃ​កំណត់​មុខសញ្ញា​បាន ក៏​ឃាត់ខ្លួន តែ​ជនសង្ស័យ​ដឹង​មុន ក៏​រត់​បម្រុង​ឆ្លងដែន​មក​កម្ពុជា តែ​ដោយសារ​តែ​ភាគី​ថៃ​ផ្ទុះអាវុធ ក៏​ភាគី​កម្ពុជា​ដឹក​កម្លាំង​បង្ក្រាប​បាន​តែ​ម្ដង ។​

​ជុំវិញ​ករណី​ខាងលើ​នេះ លោក តាំង សុខ​ហេង មេបញ្ជាការ​អាវុធហត្ថ​ស្រុក​ម៉ាឡៃ​បាន​ប្រាប់​តាម​ទូរស័ព្ទ​ថា លោក​មិន​បាន​ទទួល​ព័ត៌មាន​ឡើយ​។ លោក​បញ្ជាក់ថា ដោយសារ​ផ្ទុះ​អាវុធ លោក​បាន​ដឹកនាំ​កម្លាំង​ទៅ​មើល ដឹងអី ភាគី​ថៃ​ឃាត់ខ្លួន​ជនសង្ស័យ​ម្នាក់ យក​ទៅ​បាត់ តែ​ខាង​លោក មិន​បាន​ចាប់​ជនសង្ស័យ​ណា​ម្នាក់ ហើយ​លោក​ក៏​នាំ​កម្លាំង​មកវិញ ៕

 

Filed in: សន្តិសុខសង្គម