កំពង់ឆ្នាំង ៖ ត្រាក់ទ័រពីរគ្រឿងដែលចាប់បានពេលកំពង់ធ្វើសកម្មភាពឈូសឆាយដីព្រៃលិចទឹកក្នុងតំបន់ (៣) ចាប់ពីចំណុច (ត្រពាំងតាអួរ)(ស្ដុកត្រាវ) (ខ្លាគ្រហឹម) (ជ័យក្រញ៉) (ទំនប់ស្វាដេក) (ត្រពាំងវាលវែង) ស្ថិតក្នុងឃុំខុនរ៉ង ហ្នឹងឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង រំលោភយកធ្វើកម្មសិទ្ធិ ហើយត្រូវបានប្រជាពលរដ្ឋរាយការណ៍ឲ្យចាប់ កាលពីព្រឹកថ្ងៃទី១៤ ខែមិនា ឆ្នាំ២០១៨ វេលាម៉ោង១២កន្លៈថ្ងៃត្រង់ត្រូវបានប៉េអឹមដោះលែងវិញបាត់ហើយ។ ប្រជាពលរដ្ឋទូទាំងស្រុកបរិបូណ៌ពិសេសនៅភូមិដក់ពរឃុំខុនរ៉ងនិងភូមិសេះស្លាប់ ឃុំឆ្នុកទ្រូបានអំពាវនាវដល់លោក ឃួនសៅរុំ អភិបាល ស្រុកបរិបូណ៌ពិសេសឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំងមេត្តាចាត់វិធាន ការទប់ស្កាត់ករណីមេឈ្មួញរត់ការគ្រឿងចក្រទន្ទ្រានដីតំបន់អិរក្សពូជត្រីក្នុងមូលដ្ឋានពួកគាត់ជាបន្ទាន់ព្រោះតំបន់នោះកន្លងមកមិនដែលមានប្រជាពលរដ្ឋណាហ៊ានប៉ះពាល់ទាល់តែសោះ។
ប្រជាពលរដ្ឋក្នុងភូមិសេះស្លាប់ បានឲ្យដឹងថាដីព្រៃលិចទឹកក្នុង តំបន់ខាងលើជាកន្លែងអភិរក្ស មេពូជត្រីនៅរដូវវស្សា ប៉ុន្តែមួយ រយៈ ពេល កន្លងទៅនេះ មេឈ្មួញឈូសឆាយដ៏សកម្មខាងលើ បានឈូសឆាយ ទន្ទ្រានកាប់តាមអំពើចិត្តហើយ អាជ្ញាធរឃុំខុនរ៉ង និងអាជ្ញាធរ ស្រុកបរិបូណ៌មិនទប់ ស្កាត់ឡើយ។
ប្រជាពលរដ្ឋបាន បញ្ជាក់ថាដីព្រៃលិចទឹកនោះតាំង ពីដើមរហូតមកមិន ដែលមានអ្នកភូមិណា ហ៊ានកាប់ទន្ទ្រានឡើយព្រោះ អ្នកភូមិតែងតែអាស្រ័យផល នៅក្នុងរដូវទឹក ឡើងនិងទឹកស្រកដូចជានេ សាទត្រី។ប៉ុន្តែឥឡូវនេះមេឈ្មួញឈូសឆាយដីព្រៃលិចទឹកតំបន់(៣)ទន្ទ្រានកាន់ កាប់យ៉ាងកំរោលក្នុង ខណៈដែល មន្ត្រីអាជ្ញាធរឃុំនិងអាជ្ញាធរស្រុករក្សាភាពស្ងប់ស្ងាត់។
មន្ត្រីអាជ្ញាធរតូចតាចក្នុងឃុំទាំងពីរបានឲ្យដឹងថាដីដែលមេឈ្មួញសកម្មឈូសឆាយទន្ទ្រាន យកពីម្ចាស់ដីក្នុងមួយម៉ោង(១៧ម៉ឺនរៀល)គឺជាដីព្រៃលិចទឹកក្នុងតំបន់ហាមឃាត់ ដោយឈ្មួញឈូសឆាយបានប្រើបណ្ដាញ រៀបចំប្រជាពលរដ្ឋក្នុងភូមិ។ប្រភពបានឲ្យដឹងទៀតថា មេឈ្មួញបានប្រើគ្រឿងចក្រជាច្រើនគ្រឿងឈូសឆាយខ្វៀលដីព្រៃលិចទឹកនៅតំបន់ចំណុចដូចខាងលើជា ច្រើនហិកតា។
សូម្បីតែលោក មេឃុំខុនរ៉ង ក៏អះអាងពីរឿង មេឈ្មួញឈូសឆាយទន្ទ្រានកាន់កាប់ដីព្រៃលិចទឹកក្នុងតំបន់ហាមឃាត់ដោយមានភាពមិនប្រក្រតីផងដែរ។
ប្រជាពលរដ្ឋបានរិះគន់ថា៖មិនគួរឡើយកងរាជអាវុធហត្ថស្រុកបរិបូណ៍ចាប់បានគ្រឿងចក្រឈូសឆាយដីព្រៃលិចទឹកអត់ច្បាប់ហើយដោះលែងបែបនេះទៅវិញ?។ តើការដោះលែងនោះមានពាក់ព័ន្ធនិងសំណូកដែរឬទេ?៕
