មណ្ឌលគិរី ៖ វគ្គបណ្តុះបណ្តាលអប់រំនយោបាយ របស់គណបក្សក្រុងសែនមនោរម្យជំនាន់ទី១ ត្រូវបានបើកវគ្គនៅព្រឹកថ្ងៃទី០៤ខែកុម្ភៈនេះ នៅអាគារគណបក្ស ប្រជាជនកម្ពុជាក្រុងសែនមនោរម្យ ដែលមានរយះពេល៤ថ្ងៃ ដោយគិតពីថ្ងៃទី៤ដល់ថ្ងៃទី៧ ខែកុម្ភះឆ្នាំ២០១៦ ។
ពិធីនេះប្រព្រឹត្តទៅ ក្រោមអធិបតីភាព ឯកឧត្តម ស្វាយ សំអ៊ាង សមាជិកអចិន្ត្រៃយ៍ និងជា ប្រធានគណៈចាត់ តាំងគណបក្សខេត្ត លោក ណយស្រូន សមាជិកអចិន្ត្រៃយ៍ និងជាប្រធានគណៈឃោសនាអប់រំ លោក ឡុង វិបុល អនុប្រធានគណបក្សក្រុងសែនមនោរម្យ និងមានការអញ្ជើញចូលរួមពីសមាជិក សមាជិការគណបក្សប្រជាជនកម្ពុជាចំនួន៧៩នាក់។
នៅក្នុងពិធីបើកវគ្គនោះដែរឯកឧត្តម ស្វាយ សំអ៊ាង សមាជិកអចិន្ត្រៃយ៍ និងជាប្រធានគណៈចាត់តាំងគណបក្សខេត្ត បានមានប្រសាសន៍ថា គោលបំណងបើកនៃវគ្គបណ្តុះបណ្តាលនាពេល នេះសំដៅជម្រុញពង្រឹងសមត្ថភាពដល់សមាជិក សមាជិការ អោយប្រកាន់ខ្ជាប់ឥតប្រែប្រួល នូវគោលបំណង និងឧត្តមគតិរបស់ខ្លួន គឺឈរនៅខាងប្រជាជនដោយផ្សាភ្ជាប់រួមសុខរួមទុក្ខ ជាមួយប្រជាពលរដ្ឋគ្រប់កាលៈទេសៈ ព្រមទាំងលើកកម្ពស់នូវសិទ្ធសេរី ភាព ប្រជាធិបតេយ្យ និងជីវភាពរស់នៅរបស់ប្រជាពលរដ្ឋ ។
ឯកឧត្តមបានមានប្រសាសន៍បន្តទៀតថា រយៈពេល៣៧ឆ្នាំនៅលើកំណាត់ផ្លូវដ៏បត់បែន លំបាកស្មុគស្មាញ និងតស៊ូប្តូរផ្តាច់ គណបក្សប្រជាជនកម្ពុជា បានដឹកនាំប្រទេសអោយឈាន ទៅមុខជាជំហ៊ានៗបង្កើតបានជាសមិទ្ធិផលធំៗ ជាប្រវត្តិសាស្ត្រយ៉ាងច្រើនជូនជាតិ ក្នុងបុព្វហេតុក៏សាង និងការពារមាតុភូមិ ការពារការរស់នៅឡើងវិញ របស់ប្រជាជាតិ និងការពាររាល់សមិទ្ធផលនៃសង្គមជាតិផងដែរ ៕
ហ៊ិន សុគន់