ភ្នំពេញ៖កញ្ញា ឈិត សុវណ្ណបញ្ញា គឺជាតារាច្រៀងដែលកំពុងត្រូវបានផលិតកម្មថោន (Town Production) លើកស្ទួយឲ្យមានប្រជាប្រិយភាពឡើងវិញបន្ទាប់ពីទ្រនំចាស់គឺផលិតកម្មហង្សមាសធីបទុកក្រោយពីទទួលបានតារាចម្រៀងថ្មីៗចូល ។
កញ្ញា ឈិត សុវណ្ណបញ្ញាថ្មីៗនេះទោះតែទទួលបានពានរង្វាន់ជាស្រីឆ្នើមក្នុងវិស័យបច្ចេកវីទ្យាហើយឥឡូវកញ្ញាបានបង្ហាញមុខបងប្អូនស្រីភ្លោះដែលមានមុខមាត់ដូចបោះពុម្ព។ ប្អូនស្រីជាកូនភ្លោះជរបស់ កញ្ញា ឈិត សុវណ្ណបញ្ញា មានឈ្មោះថា ឈិត សុវណ្ណនុកាបានបង្កឲ្យមានការចាបអារម្មណ៍ជាជាខ្លាំង នៅពេលដែលបងប្អូនភ្លោះទាំងពីរនាក់នេះមានការស្លៀកពាក់បែបប្រពៃណីខ្មែរ ទៅចូលរួមក្នុងពិធីសូត្រមន្ដមង្គលការប្អូនស្រីខ្លួន ព្រមជាមួយការតុបតែងខ្លួនក៏ប្រហាក់ប្រហែលគ្នាថែមទៀតផង មើលទៅពិតជាស្រស់ស្អាតដូចគ្នាតែម្តង។
ក្រោយពេលដែលបានឃើញរូបទាំំងពីរនាក់ហើយ បានធ្វើឲ្យមហាជនមួយចំនួនបាននិយាយថា បើមិនបានប្រាប់ទេ ពេលថតតែឯងស្មានថាជាកញ្ញា ឈិត សុវណ្ណបញ្ញា បាត់ទៅហើយ ព្រោះមើលទៅពិតជាដូចគ្នាខ្លាំងណាស់។តែគេមិនដឹងថាតើប្អូនស្រីភ្លោះរបស់កញ្ញមានសម្លេងពិរោះដូចគ្នាដែរឬអត់នោះទេ!។
