ឡុងដ៍ ៖ តាមការចេញផ្សាយរបស់សារព័ត៌មាន BBC ថា នាយករដ្ឋមន្ត្រីអង់គ្លេស លោកស្រី Theresa May កាលពីម្សិលមិញបានប្រកាសថា រដ្ឋាភិបាលអង់គ្លេសនឹងបណ្ដេញមន្ត្រីទូតរុស្ស៊ី២៣នាក់ ចេញពីប្រទេស បន្ទាប់ពីអតីតចារកិច្ចរុស្ស៊ីម្នាក់ត្រូវបានគេបំពុលសម្លាប់នៅលើទឹកដីអង់គ្លេស។
ចក្រភពអង់គ្លេស ក៏បានស្នើផងដែរ ឱ្យក្រុមប្រឹក្សាសន្តិសុខអង្គការសហប្រជាជាតិ បើកកិច្ចប្រជុំជាបន្ទាន់មួយ ដើម្បីពិភាក្សាជុំវិញសំណុំរឿង ដែលទីក្រុងឡុងដ៍ ចោទប្រកាន់រុស្ស៊ីថា ជាអ្នកនៅពីក្រោយការបំពុលសម្លាប់អតីតចារកិច្ច រុស្ស៊ី និងកូនស្រីរបស់គាត់។
គួររំលឹកថា លោក Sergei Skripal និងកូនស្រីរបស់លោកឈ្មោះ Yulia ត្រូវបានគេលួចបំពេលសម្លាប់ នៅក្នុងទីក្រុង Salisbury កាលពីថ្ងៃទី០៤ ខែមីនាកន្លងទៅ ហើយរហូតមក ទល់ពេលនេះ អ្នកទាំងពីរនៅតែស្ថិតនៅក្នុងស្ថានភាពធ្ងន់ធ្ងរ។ ប៉ុន្តែរុស្ស៊ីបានច្រានចោលរាល់ការចោទប្រកាន់ទាំងឡាយ៕
