ខេត្តមណ្ឌលគីរី ៖ នៅវេលាម៉ោង ០២ និង ១០ នាទីថ្ងៃទី ០៣ កុម្ភៈ ឆ្នាំ ២០១៦ កំលាំងកងរាជអាវុធហត្ថខេត្ត និង សមត្ថកិច្ចចម្រុះកំពុងធ្វើការឡោមព័ទ្ធផ្ទះថៅកែឈើមួយកន្លែង ដែលសង្ស័យលាក់ទុកឈើប្រណីតខុសច្បាប់ នៅតាមដងផ្លូវជាតិ ស្ថិតក្នុងភូមិស្នែងឃុំស្រែខ្ទុមស្រុកកែវសីមា ។
បើតាមមន្ទ្រីសមត្ថកិច្ចបានប្រាប់ឲ្យដឹងថា មុននេះបន្តិច មានរថយន្ដដឹកឈើចំនួនពីរគ្រឿងដឹកឈើចេញពីស្រុកអូរាំងបានត្រូវកំលាំងកងរាជអាវុធហត្ថ ខេត្តធ្វើការស្ទាក់ចាប់បានមួយគ្រឿង និងមួយគ្រឿងទៀត បានបើករត់រហូតមកដល់កន្លែងកើតហេតុ ក៏ចូលក្នុងផ្ទះខាងលើនោះ ហើយក៏ស្រាប់តែម្ចាស់ផ្ទះបានបាញ់គំរាមកំលាំងសមត្ថកិច្ចដែលប្រម៉ាញ់នោះ ។
ផ្ទះដែលកំលាំងសមត្ថកិច្ចកំពុងឡោមពទ្ធ័នោះត្រូវបានគេស្គាល់ឈ្មោះថា លោកសូម៉ារិត កងរាជអាវុធហត្ថផ្ទៃប្រទេស ហើយផ្ទះនេះ កន្លងមក កាលពីរប៉ុន្មានឆ្នាំមុន ក៏ធ្លាប់បានព្រះរាជអាជ្ញាព័ទ្ធចាប់ឈើ ជាងប្រាំមួយរយដុំ ស្មើជាង៧០ម៉ែត្រគូប កន្លងមក ។ មកដល់ពេលនេះ កំលាំងសមត្ថកិច្ចបានធ្វើការឆែកឆេរដោយមានការបញ្ជារផ្ទាល់ពី លោកព្រះរាជាអជ្ញាអមសាលាដំបូងខេត្តមណ្ឌលគីរី ដោយរកឃើញឈើប្រណិត២៥៥ដុំ រថយន្តកែច្នៃរ១គ្រឿង និងរណាយន្ត១គ្រឿង។បច្ចុប្បន្នកំលាំងសមត្ថកិច្ចកំពង់ឆែករុករកបន្ត ៕
ដោយ ៖ ហ៊ិន សុគន់
