ភ្នំពេញ៖ លោក ស៊ុន ឆាយ មេគយកំពង់ផែស្វយ័តភ្នំពេញ នឹងលោកប្រធានគណនេយ្យនៅទីនោះត្រូវបានកូនចៅនិយាយដើមថា បានឃុបឃិតគ្នា ស៊ីដាច់លូយចំណូលផ្សេងៗគ្មានញញើតដោយសំអាងថាយកលុយជួយបក្ស!?។ប្រភពពីអ្នករត់ការឯកសារប្រវេទន៍គយ ក៍បាន ឱ្យដឹងថា៖ ឯកសារ នាំចូលទំនិញមួយយ៉ាងតិចត្រូវចំណាយចាប់ពី៩០ដុល្លារទៅ១០០ដុល្លារអាមេរិកឯណ្ណោះ ដែលនេះជាលុយខ្មៅកើតពីការជម្រឹតទារឆៅៗតែម្តង តាមភារកិច្ច និងជំនាញនីមួយៗពីមន្ត្រីគយនៅទីនោះ នេះ ។ ក្នុងនោះ ការរត់ឯកសារ មួយឯកសារត្រូវបង់ជូន លោក ស៊ុន ឆាយ មេអង្គភាពគយនិងរដ្ឋាករ កំពង់ផែស្វ័យ័តភ្នំពេញត្រូវបានបង្ខំអោយបង់លុយ ដល់ទៅ៦គោលដៅ។
គឺទី១-ត្រូវបង់លុយអោយមន្ត្រីគយផ្នែកចុះលេខ៥ដុល្លារ ទី២-ខាងគណនេយ្យលោក ស្វាយ មរ៉ា ១០ដុល្លារ ទី៣-ក្រុមត្រួតពិនិត្យរបស់លោក សាយ សូផា មួយកុងតឺន័រ១០ដុល្លារ ទី៤-ក្រុមគយចាំយកលុយនៅកន្លែងគណនេយ្យសម្រាប់រាប់ក្បាលកុងតឺន័រទំហំ៤០ហ្វីតចំនួន៥០ដុល្លារ ទំហំ២០ហ្វីត៤០ដុល្លារ ទី៥-បង់អោយអនុប្រធានដូចជាលោក ប៊ុស ចំរើន លោក គឹម សាគល និងអ្នកស្រី ប៊ូ ផល្លី មួយឯកសារក្នុងម្នាក់៥ដុល្លារ និងទី៦-បង់អោយលោក ស៊ុន ឆាយ មេអង្គភាពគយនិងរដ្ឋាករ កំពង់ផែស្វយ័តភ្នំពេញនេះតែម្តងមួយឯកសារ១០ដុល្លារ។
ក្រុមអ្នករត់ការបន្តថា៖ ជាធម្មតាឯកសារចុះប្រតិវេទន៍គយត្រូវឆ្លងកាត់គយនិងបង់លុយក្រោមតុបែបនេះក្នុងមួយថ្ងៃមានចាប់ពី៣០ទៅ៤០ឯកសារ ។បើចឹងសាកគិតមើលថា៖គយលោកស៊ុនឆាយកៀបជម្រិតពីក្រុមហ៊ុនវិនិយោគបានប៉ុន្មានពាន់ដុល្លារក្នុងមួយថ្ងៃឬប៉ុន្មានម៉ឺនដុល្លារក្នុងមួយខែ?។ម្យ៉ាងទៀតក្នុងមួយឯកសារពេលមកចុះលេខម្តងៗមិនមែនតិចកុងតឺន័រឡើយ គឺយ៉ាងតិចចាប់ពី៥កុងតឺន័រទៅ១០ឬ១៥កុងតឺន័រ ហើយមួយកុងតឺន័របង់លុយក្រោមតុចាប់ពី៤០ដុល្លារទៅ៥០ដុល្លារ ។
ក្រៅពីលុយកំប៉ិកកំប៉ុកតាមប្រភពពីមន្ត្រីគយ បម្រើការងារនៅកំពង់ផែអន្តរជាតិភ្នំពេញ បានទំលាយអោយដឹងថា ប្រភពចំណូលពីអំពើពុករលួយរបស់លោក ស៊ុន ឆាយ បានមកពីក្រុមហ៊ុននាំចូលទំនិញចំនួន៦ក្រុមហ៊ុន និងក្រុមហ៊ុននាំចេញឈើកែឆ្នៃ១ផ្សេងទៀត ក្នុង១ខែៗលោក ស៊ុន ឆាយ អាចរកលុយពីអំពើពុករលួយបានជាច្រើនម៉ឺនដុល្លារអាមេរិក។
មន្ត្រីគយតូចតាច នៅកំពង់ផែស្វយ័តភ្នំពេញ បានខ្សឹប ថា លោក ស៊ុន ឆាយបានយកថវិការមួយផ្នែកនៃថវិការដែលបានពីអំពើពុករលួយ គាបសង្កត់ ជំរិតពីឈ្មួញ ទៅជួយសាងសង់វីឡាដ៍ស្គឹមស្គៃមួយ នៅព្រែកតាមាក់ ស្រុក ខ្សាច់កណ្តាល ខេត្តកណ្តាលដែលគេជឿថាវិឡាលោកហ្នុង!។ ក្រៅពីហ្នឹងលោក ស៊ុន ឆាយ បានទិញផ្ទះតម្លៃជិត១លានដុល្លានៅបូរីអរ័គីដេ ទិញរថយន្ត LUXIS ៥៧០ ឆ្នាំ២០១៧មួយគ្រឿង រថយន្តLUXISមីនី ឆ្នាំ២០១៧ តំលៃជិត១៣ម៉ឺនដុល្លារមួយគ្រឿង និងគ្រោងទិញថែមទៀតផងដែរ។
ទាក់ទងលុយចំណូលខុសច្បាប់ទាំងនេះប្រភពខាងលើ បាននិយាយថា នៅពេលដែលលោកអនុប្រធានការិយាល័យគយកំពង់ផែស្វយ័ត្នភ្នំពេញ ឬ មន្ត្រីគយសួរនាំទៅខាងគណនេយ្យ ពីរឿងលុយកាក់ទាំងនោះ គឺខាងគណនេយ្យឆ្លើយថា លោកប្រធាន ស៊ុន ឆាយ យកទៅជួយគណបក្សអស់ហើយ?!។
ប្រភពពីមន្ត្រីគយតូចតាចនិយាយថា៖កាលពីថ្ងៃទី១៧ខែកក្កដាឆ្នាំ២០១៧លោកស៊ុន ឆាយ ធ្លាប់ត្រូវបានលោកគុណញឹមមេគយធំចេញលិខិតព្រមានម្តងរួចមកហើយក៍ប៉ុន្តែគាត់មិនរាងចាលឡើយព្រោះលោកគុណញឹមអត់ហ៊ានធើអីស៊ុនឆាយតេស៊ុនឆាយនៅតែស៊ុនឆាយមេគយផែអាដែលហ្នឹង។ប្រហែលដូចគេនិយាយថាគាត់មានខ្នងបង្អែកជាមន្ត្រីជាន់ខ្ពស់កំរឹតរដ្ឋលេខាធិការនៅក្រសួងសេដ្ឋកិច្ចហិរញ្ញវត្ថុជួយការពារព្រោះលោក ស៊ុនត្រូវគេប្រាប់ថា៖ ឆាយជាអ្នកផ្តល់សេដ្ឋកិច្ចជូនគាត់រាល់ៗខែ ដើរចាយលេងក្នុង ក្រៅប្រទេស បានយ៉ាងស្រួល។ចឹងហើយបានជាកូនចៅអត់ហ៊ានក្អកជាមួយ។
ប្រហែលដោយបានអនុសាសន៍ពីសម្តេចតេជោឲ្យប្រធានក្រុមហ៊ុនពិនិត្យមើលអ្នករត់ការណ៍របស់ខ្លួនផងខ្លាចវាកុហកហើយមើលទៅបានជាលោក ស៊ុន ឆាយ មេអង្គភាពគយនិងរដ្ឋាករ កំពង់ផែស្វ័យ័តភ្នំពេញបានបដិសេធ ប្រាប់កាសែតថា៖ ឯកសារបែបនេះ ពន្ធ-អាករជាបន្ទុករបស់រដ្ឋ មិនមានអ្នកណាហ៊ានយកលុយទេ(ស៊ិក)។
ពាក់ពន្ធ័និងសេចកក្តីរាយការណ៍ថាក្រុមអ្នករត់ការទំនិញវិនិយោគនាំចូលត្រូវបង់លុយមួយឯកសារពី៩០ដុល្លារទៅ១០០ដុល្លារទៅកាន់មន្ត្រីគយកំពង់ផែស្វយត័ភ្នំពេញ លោក ស៊ុន ឆាយថ្លាប់បានប្រតិកម្មជាមួយសំណួរកាសែតថា៖អ្នកឯងដឹងពីតួលេខលុយនេះមកពីណា..អ្នកណាអោយអ្នកឯងដឹងច្បាស់ម្លេះ..រួចក៏បិទទូរស័ព្ទ។ករណីនេះអ្នករត់ការបានវាយបកវិញថា៖អូខេបើចឹងគយកំពង់ផែស្វយត័ភ្នំពេញហ៊ានកែទម្រង់ការត្រួតពិនិត្យដោយបង្កើតឲ្យមានច្រកចេញចូលតែមួយឬប្រពន្ធ័ត្រួតពិនិត្យអេឡិចត្រូចនិចទេ?។
តើសកម្មភាពពុករលួយដោយមិនខ្លាចច្បាប់ប្រឆាំងប្រឆាំងអំពោះរពុករលួយគឺដើម្បីយកលុយជួយគណបក្សមែនឬ?តើមានសារាចរលេខប៉ុន្មានឲ្យធ្វើចឹង?!ករណីនេះមិនអាចសុំការពន្យល់ពីលោកស៊ុនឆាយមេគយផែស្វយត័ភ្នំពេញបានទេ។សង្ឃឹមថានឹងមានការពន្យល់ឬស្រាវជ្រាវពីអង្គភាពប្រឆាំងអំពើរពុករលួយមិនខានចំពោះសេចក្តីរាយការណ៍នេះ។
