ភ្នំពេញ: អ្នកនាង ម៉េង កែវពេជ្ជតា ដែលជាតារាចម្រៀងជើងចាសមួយរូបដែលមានទឹកដមសំនៀងដ៏សែនពិរោះ ថ្មីៗនេះបានព្រលះតេជគុណឡុងចន្ថាសង្ឃល្បីខាងទេសនាឌឺដងមកពីខេត្តតាកែវ។អ្នកនាងម៉េង កែវពេជ្ជតាក្នុងនាមជាពុទ្ធបរិស័ទកាន់ព្រះពុទ្ធសាសនាមួយរូប បាន សម្តែងក្ដីហួសចិត្តជាខ្លាំង និងធ្វើការរិះគន់ចំៗចំពោះវីដេអូ “ទេសនាព្រះសង្ឃមួយអង្គ ដែលខឹងញាតិញោមក្រៅប្រទេសប្រគេនប្រច័យ្ចតិច”។
នាងបានសរសេរសារហួសចិត្តតាមរយៈទំព័រហ្វេសបុកខ្លួនថា៖“ការពិតមិនចង់ Share នាំចង្អៀតទេ តែក្នុងនាមជាខ្មែរកាន់សាសនាព្រះពុទ្ធថែមទាំងគោរពស្ម័គ្រស្មោះអស់ពីចិត្ត ពិតជាមិនសប្បាយចិត្តទេនៅពេលដែលឧស្សាហ៍ឃើញគេយកស្បង់ចីវរដែលគ្រប់គ្នាមិនថាចាស់ក្មេង ឬឋានៈប៉ុណ្ណាតែងលត់ជង្គង់ក្រាបសំពះដល់ធរណី មកស្រោបពីក្រៅខ្លួនបុគ្គលអសីលបែបនេះជាហូរហែរតែគ្មានឃើញវិធានការណ៍ណាមួយមកទប់ស្កាត់ និងលុបបំបាត់បានសោះ ? ? ផ្ទុយទៅវិញបែរជាកើតមានប្លែកៗ ដូចករណីនេះ…តើមកពីច្បាប់ធូរលុងពេក ឬមកពីអ្នកកាន់ច្បាប់មិនច្បាស់លាស់ ? ? ? ខ្ញុំមានយោបល់នេះគឺដើម្បីទាំងអស់គ្នា និងការពារសាសនាព្រះពុទ្ធដែលជាសាសនារដ្ឋប៉ុណ្ណោះ គ្មានបំណងអវិជ្ជមានណាមួយទេ តែបើជនណាហ៊ានយកសម្តីខ្ញុំនេះទៅកាឡៃសាច់រឿងក្នុងន័យអាក្រក់ដូចកាលរឿងលុយខ្មែរទៀត គឺជននោះជាជនបំផ្លាញជាតិ ។
”ហាហាសតេជគុណឡុងចន្ថាដែលពូកែទេសនាឌឺដងចំពោះពុទ្ធបរិសទ័នៅអាមេរិកព្រោះតែជួបលោកតែប្រគេនបច្ច័យ១២០រូពីថាមិនបាន១០ម៉ឺនលុយខ្មែរផងនោះត្រូវត្ម៉ោងហើយតើ!។ប៉ុណ្ណឹងឲ្យចាំព្រះតេជគុណដែលសម័យអាឡូវគេតម្លើងថាជាព្រះអង្គគ្រូកុំចេះតែមានកេលេសពេក!!៕
