បាត់ដំបង ៖ ប្រជាកសិករ ឃុំតាពូង និងឃុំតាម៉ឺន ក្នុងស្រុកថ្មគោល បានសំដែងការអបអរសាទរ រីករាយយ៉ាងខ្លាំង ចំពោះការត្រៀមលក្ខណៈ ស្ពានជួសជុលប្រឡាយមួយខ្សែមានប្រវែង ៤០០០ម ក្នុងឃុំតាពូង និងប្រឡាយមួយខ្សែទៀត ដែលជាប្រឡាយក្នុងគម្រោងរំដោះទឹក របស់ស្រុកឯកភ្នំ ត្រូវបានឯកឧត្តម ច័ន្ទ សុផល អភិបាល នៃគណៈអភិបាលខេត្តបាត់ដំបង បង្វែមកជូនប្រជាកសិករក្នុងតាម៉ឺន ធ្វើស្រែប្រាំងវិញ។
លោ ឡាយ សែ ប្រធានក្រុមប្រឹក្សាឃុំតាពូង បានឲ្យដឹងថា ប្រឡាយទឹកមួយខ្សែ ក្នុងឃុំតាពូង ដែលត្រៀមស្ពានជួសជុលខាងមុខនេះ មានប្រវែងជាង៤០០០ម ដែលទទួល យកទឹកពីអាងភាស ក្នុងស្រុកឯកភ្នំ ដែលបានកសាងឡើងក្នុងអំឡុងឆ្នាំ២០១២ បំរើឲ្យការ ស្រោចស្របលើផ្ទៃដីកសិកម្ម ជាង៤០០០ ហិកតា។ តែបច្ចុប្បន្នប្រជាកសិករ ក្នុងឃុំតាពូង អនុវត្តធ្វើស្រែប្រាំងបានតែជាង ១៥០០ហិកតាតែប៉ុណ្ណោះ ដោយសភាពខ្វះទឹក ព្រោះអាងភាសនេះកាលពីក្នុងរដូវវស្សាកន្លងមក ពុំមានទឹកទន្លេហូរចូលឡើយ។
ចំពោះប្រឡាយមួយ ខ្សែទៀត ដែលត្រូវតភ្ជាប់ពីប្រឡាយ ឃុំតាពូង ទៅឃុំតាម៉ឺន នាពេលខាងមុខនេះ មានប្រវែង ជាង៤០០០ម ដែលបំរើឲ្យការស្រោចស្របលើផ្ទៃដី ប្រមាណជាជាង៤០០០ហិកតា ហើយ ប្រឡាយនេះអាចតចេញទៅដល់ ឃុំជ្រោយស្តៅទៀតនាពេលខាងមុខ ក៏អាចថាបាន ព្រោះទាំងឃុំតាម៉ឹន ក៏ដូចជាឃុំជ្រោយស្តៅ នៅមិនទាន់មានប្រឡាយសម្រាប់ប្រជាកសិករ ធ្វើស្រែ ប្រាំងនៅឡើយទេ ។ ហើយប្រឡាយនេះត្រូវអនុវត្តចុងខែ ២ ឬដើម ខែ ៣ ក្រោយពីការសិក្សា លើផលប៉ះពាល់រួច ហើយថវិការក្នុងការកសាង ឬ បានមកពីការចូលរួមពីឯកឧត្តម ង៉ូវ សាខន សប្បុរជន លោក តាំង ហឿង និងលោក តាំង ប៊ុនណាត នៅខេត្តបាត់ដំបង ដែលមាន ទឹកប្រាក់ក្នុងការចំណាយ ប្រមាណជាជាង ៣ម៉ឹនដុល្លារ។
លោក គង់ លី អភិបាលស្រុកថ្មគោលបានឲ្យដឹងថាបច្ចុប្បន្នប្រជាកសិករបាននឹងកំពង់ មមាញឹកក្នុងការប្រមូលផល។ ក្រោយពីការប្រមូលផលរួច ប្រជាកសិករដែលមានស្រែនៅជិត ប្រឡាយចាប់ផ្តើមធ្វើម្តងទៀត ជាបណ្តើរៗហើយទិន្នផលទទួលបាន ក្នុងមួយហិកតា ៤ តោន កន្លះ ហើយតម្លៃប្រមាណជាប្រាំពីរសែនរៀល ។
បើប្រសិនមានទឹកពេញអាង ប្រជាកសិករ អាចធ្វើបានពី ២ ទៅ ៣ ដង ក្នុងមួយរដូវលោកបានឲ្យដឹងទៀតថា ក្រោយពីបានប្រឡាយ ដ៏មានសារៈសំខាន់មួយខ្សែនេះ អាជ្ញាធរស្រុកសហការជាមួយ ឃុំ សហគមន៍ និងប្រែក្លាយ តំបន់នេះទៅជាតំបន់បៃតង កាលដើមឡើយតំបន់នេះប្រជាកសិករធ្វើតែស្រូវ ឡើងទឹកទេ ជួនបានជួនមិនបាន។
តាមរយៈប្រឡាយនេះបានកែប្រែជីវភាពរស់នៅរបស់ប្រជាកសិករមាន ភាពធូរធារ ស្របតាមគោនយោបានរបស់រាជរដ្ឋាភិបាលក្នុងការកាត់បន្ថយលើកកំពស់ជីវភាព របស់ប្រជាពលរដ្ឋ ឲ្យកាន់តែមានភាពល្អប្រសើរ ទាំងអាជ្ញាធរគ្រប់លំដាប់ថ្នាក់ និងប្រជាពលរដ្ឋ ក្នុងស្រុកថ្មគោល សូមថ្លែងអំណរគុណដ៏ជ្រាលជ្រៅដល់ ឯកឧត្តម ច័ន្ទ សុផល ដែលបានយកចិត្តទុកដាក់ ចំពោះសុខទុក្ខ និងជីវភាពរស់នៅ និងបានដោះស្រាយ បញ្ហាប្រឈមរបស់ប្រជាលរដ្ឋ បានទាន់ពេលវេលា៕
