ខេត្តពោធិ៍សាត់ ៖ សេចក្ដីរាយការណ៍ពីខេត្តពោធិ៍សាត់បានអោយដឹងថា៖ក្នុងរយៈពេលត្រឹមតែជាង២ខែកន្លងមកនេះមានកើតសកម្មភាពកាប់បំផ្លាញព្រៃឈើជាលក្ខណៈទ្រង់ទ្រាយធំ នៅក្នុងស្រុកវាលវែង ខេត្តពោធិ៍សាត់ ។ជាក់ស្តែងគេបានឃើញកាលពីវេលាម៉ោង១២ព្រឹក ថ្ងៃពុធ ១៤កើត ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៨ ខែកុម្ភៈ ឆ្នាំ២០១៨នូវរថយន្តយីឌុបចំនួន២គ្រឿងដឹកឈើប្រណិតប្រភទរាជ្យកុល ចេញពីចំណុច ក្រុមហ៊ុន MDS ស្ថិតក្នុងឃុំអន្លង់រាប ស្រុកវាលវែង ខេត្តពោធិ៍សាត់ ឆ្ពោះមកកាន់រាជធានីភ្នំពេញ បន្ទាប់មកនៅវេលាម៉ោងព្រឹកថ្ងៃព្រហស្បតិ៍ ១៥កើត ខែផល្គុន ឆ្នាំរកា ព.ស. ២៥៦១ ត្រូវនឹងថ្ងៃទី១ ខែមីនា ឆ្នាំ២០១៨ មានរថយន្តយីឌុប១គ្រឿងទៀតបានផ្ទុកឈើធ្នង់ដឹកចេញពីចំណុចអន្លង់រាប ស្រុកវាលវែង ខេត្តពោធិ៍សាត់ ឆ្ពោះមកកាន់រាជធានីភ្នំពេញដោយសុវត្ថិភាព ។
សេចក្ដីរាយកាន៍បានឲ្យដឹងថា ចំពោះសកម្មភាពកាប់បំផ្លាញឈើនៅស្រុកវាលវែង ក៏ដូចជាប្រមូលយកមកដាក់ក្នុងក្រុមហ៊ុន MDS ហើយលួចបន្លំកាត់បេសេ ដើម្បីដឹកចេញ សុទ្ធតែប្រភេទឈើរាជ្យកុល និងឈើធ្នង់ សុទ្ធតែជាប៉េសេខុសយថាប្រភេទឈើ ក៏ដូចជាច្បាប់ និងផ្ទុកលើសទម្ងន់។
សកម្មភាពដឹកជញ្ជូនដែលគេរាយការណ៍ថាជាឈើរបស់ឧកញ៉ាតាំងអៀងនេះឮថាមានសមត្ថកិច្ចផ្ទាល់ ដែលមានតួនាទី និងភារកិច្ចជាអ្នកបង្ក្រាបបទល្មើសព្រៃឈើនេះតែម្តង ជាអ្នករត់ការផ្លូវ តាំងពីស្រុកវាលវែង មកទល់នឹងរាជធានីភ្នំពេញ ដោយគោលដៅរបស់ពួកគេ ភាគច្រើនយកទៅស្តុកទុកនៅឃ្លាំងចំណុចផែស្ងួតនៅត្មាតពងខេត្តកំពង់ស្ពឺ ខ្លះទៀតត្រូវបញ្ជូនទៅកាន់ខេត្តតាកែវ និងខេត្តកំពត ដើម្បីឆ្លងទៅប្រទេសវៀតណាមដោយរលូន។ប្រាវ៉ូឈ្មួញឈើ!!
