កណ្តាល ៖ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល គួរចុះដុះក្អែលឬវះកាត់គ្រូពេទ្យនៅមន្ទីរពេទ្យស្រុកពញាឮ ខេត្តកណ្តាល ចេញផងដែលហ៊ានទារលុយពីកម្មការីនី មានប័ណ្ណ ប ស ស ពេល ចូលទៅពិនិត្យសុខភាពប្រឆាំងគោលនយោបាយរាចរដ្ឋាភិបាលតេជោសែន។អាខោនអ្នកលេងហ្វ៊េសប៊ុកម្នាក់ ឈ្មោះស្រីទាវ បានបង្ហោះសារខ្លីៗ តែបង្កប់ន័យជ្រៅៗ ចង់រិះគន់សំដៅទៅ លើការមិនយកចិត្តទុកដាក់ពីសំណាក់ក្រុមគ្រូពេទ្យនៃមន្ទីរពេទ្យបង្អែកស្រុកពញាឮ ខេត្តកណ្តាល ដែលគាបទារ លុយថ្លៃសេវាពិនិត្យថែទាំសុខភាពពីរូបគាត់ទោះជា មានប័ណ្ណ ប ស ស របស់ក្រសួងសង្គមកិច្ចក៏ដោយ ។
សារបានបញ្ជាក់ ថា គាត់ជាកម្មការីនីធ្វើការនៅក្នុងរោងចក្រកាត់ដេរ យីហោ យូវ៉យ ហៅព្រៃឡ ស្ថិតនៅតាមបណ្តោយផ្លូវលេខ៥១ ក្នុងឃុំផ្សារ ដែក ស្រុកពញាឮ ខេត្តកណ្តាល ត្រូវខាងរដ្ឋាបាលរោងចក្រ កាត់យកប្រាក់ខែចំនួន3$ សំរាប់បានប័ណ្ណ ប ស ស ដើម្បីទុកសំរាប់ពេលឈឺថ្កាត់មកមន្ទីរពេទ្យគឺគេមិនយកលុយ តែ ជាក់ស្តែងរូបគាត់បានទៅពេទ្យស្រុកពញាឮ កាលពីព្រឹកថ្ងៃទី ៦ មីនា២០១៨ គឺជាការខកបំណងយ៉ាងខ្លាំង ព្រោះប័ណ្ណ ប ស ស នោះគ្មានប្រសិទ្ធិភាពអ្វីឡើយ គឺក្រុមគ្រូពេទ្យគេតម្រូវ អោយគាត់បង់លុយ។ ដោយការឈឺចាប់ទើបគាត់បញ្ជូនសារ ខ្លីៗពាក់ព័ន្ធរឿងប័ណ្ណ ប ស ស នេះ ។
ទាក់ទងចំពោះករណី នេះ សារព័ត៌មាន គេហទំព័រ មាតុភូមិ wwwmeatophoum.com នៅមិនទាន់សុំការបំភ្លឺពីខាងក្រុមគ្រូពេទស្រុកពញាឮបាននៅឡើយទេ ព្រោះពុំមានលេខទូរស័ព្ទទាក់ទង ។ តែករណីនេះគួរតែលោកវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសខាភិបាលចុះដុះក្អែលក្រុមគ្រូ ពេទ្យស្រុកពញាឮចេញម្តងទៅ កុំអោយខូចគោលនយោបាយ របស់រដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន សែន ដែលបាននិងកំពុងយកចិត្តទុកដាក់ខ្លាំងបំផុត ចំពោះបងប្អូនកម្មករ កម្មការិនីនៅទូទាំងប្រទេស ។
សម្តេចបានដាក់ចេញគោលនយោបាយលើ ផ្នែកថែទាំសុខភាពជូនដល់បងប្អូនកម្មករដោយតម្រូវអោយក្រសួងសង្គមកិច្ច ចេញប័ណ្ណ ប ស ស ដែលជាលក្ខណៈពិសេសគឺសំរួលដល់ ការព្យាបាលនិងថែទាំសុខភាពពួកគាត់ ។ តែផ្ទុយទៅវិញមិន ត្រូវបានក្រុមគ្រូពេទ្យស្រុកពញាឮយកចិត្តទុកដាក់អនុវត្តអោយមានប្រសិទ្ធភាពនោះទេ ៕
