ស្ទឹងត្រែង៖ ប្រជាសហគមន៍ក្នុងទីតាំងភូមិ ដាឡាតឃុំ ស្រែសឺម៉ី ស្រុកសេសាន្ត ខេត្តស្ទឹងត្រែង បានរាយាការណ៍ឲ្យ ដឹងថា៖ មាន,ទូក ខ្នាតតូច, ធំ,កប៉ាល់អូសឈើ, ជាច្រើន គ្រឿង ក្នុងមួយថ្ងៃ ៗ ដឹក ឈើចេញ ពីតំបន់ក្រៅបាតអាង,ចូល ទៅក្នុងតំបន់ បាតអាង, រួចទើបដឹកចេញពីតំបន់ បាតអាងទៅកាន់ បណ្តាខេត្តនានាពិសេសទៅស្រុកយួនតាមច្រកវ៉ាលឺយ៉ាង រលូនដោយគ្មានសមត្ថកិច្ច ណាអើពើឡើយ ។ កាលពីថ្ងៃទី២៧ កុម្ភៈ ឆ្នាំ២០១៨កន្លងទៅនេះ ទីស្តីការគណរដ្ឋមន្ត្រីបានចេញសេចក្តីជូនដំណឹងមួយលេខ២៥២សជណចុះហត្ថលេខាដោយលោករដ្ឋលេខាធិការប៊ុនអ៊ុយដែលធ្លាយដល់កាសែតបានជម្រាបជូនរដ្ឋមន្ត្រីក្រសួងបរិស្ថានស្តីពីការផ្អាកជាបណ្តោះអាសន្ននូវការចេញលិខិតអនុញ្ញាតដឹកជញ្ជូនអនុផលព្រៃឈើពីការសម្អាតអាងស្តុកទឹកគម្រោងវារីអគ្គិសនីសេសានក្រោមពីរនិងការឈូសឆាយសម្អាតទីតាំងគម្រោងវិនិយោគសម្បទានដីសេដកិច្ចរហូតក្រោយការបោះឆ្នោត។សេចក្តីជូនដំណឹងបានតម្រូវឲ្យមានការអនុវត្តផងដែរ។
ប៉ុន្តែបើពិនិត្យតាមសេចក្តីរាយការណ៍ខាងលើបង្ហាញថាគ្មានប្រសីទ្ធភាពក្នុងការអនុវត្តនោះឡើយ។ប្រភពពីសមត្ថកិច្ចតូចតាចបាន ទម្លាយឲ្យដឹងថា៖ មានមនុស្សម្នាក់ ឈ្មោះ ម៉ឹក សុផានីរ៉េត (ហៅឧកញ្ញ៉ាជ័យ) និងមានមេការ គឺជាអ្នករត់ការបើកផ្លូវឲ្យរថយន្តធំៗដឹកឈើ ចេញ ពីតំបន់បាតអាងទំនប់ វារីអគ្គិសនី សេសាន្តទៅកាន់ បណ្តាខេត្តផ្សេងៗក្នុង នោះក៏មានការដឹកឈើចេញទៅ ស្រុកតាមច្រករបៀង ផងដែរ ។ ឈើឧកញ្ញ៉ា ឈ្មោះជ័យនាំចេញទៅប្រទេសប្រទេសវៀតណាមតាមច្រកអន្តរជាតិ(វ៉ាលឺ)បានដោយរលូនដែលកន្លងមកគេឃើញមានរថយន្ដមួយគ្រឿងម៉ាក នីសាន់ពណ៍ស ពាក់ស្លាកលេខ ខ.ម 2-59 94 បើកបិទគូទរហូតដល់ច្រកអន្តរជាតិ (វ៉ាលឺ) ដោយខាងមេច្រកបានបើករបារ៉ាស់ទុកជាមុន។
ប្រជាសហគមន៍ក្នុង ឃុំស្រែគរ ស្រុកសេសានបានឲ្យដឹងថា៖កន្លងមកអាជ្ញាធរខេត្តស្ទឹងត្រែងមន្ត្រីរដ្ឋបាលព្រៃឈើមន្ត្រីបរិស្ថាននិង សមត្ថកិច្ច ពាក់ព័ន្ធដទៃទៀត មិនត្រួតពិនិត្យ ឈើខុសច្បាប់ ដែលឈ្មួញដឹក ចេញពីតំបន់ក្រៅបាតអាង ចូលទៅក្នុងតំបន់ ផ្ទៃអាងទំនប់ វារីអគ្គិសនី សេសាននោះទេ។
ប្រភពពីមន្ត្រីអង្គការសង្គមស៊ីវិលដែលឃ្លាំមើលបទល្មើសបំផ្លាញព្រៃឈើក្នុងខេត្តស្ទឹងត្រែង បានឲ្យដឹងថានៅក្នុងផ្ទៃអាងទំនប់វារីអគ្គិសនីសេសានក្រោម២ ទំហំ៣៦០០០ហិកតាគ្មាននៅសល់ឈើប្រណីតឬឈើប្រភេទលេខ១សម្រាប់កាប់ធ្វើអាជីវកម្មទៀតឡើយ។ ដូច្នេះឈើដែលមេឈ្មួញឧកញ៉ា ជ័យ កាប់ដឹកជញ្ជូនចេញនាពេលបច្ចុប្បន្នគឺជាឈើនៅខាងក្រៅផ្ទៃអាងទំនប់វារីអគ្គិសនី ។
មូលហេតុដែលឈ្មួញឈ្មោះឧកញ៉ាជ័យ និងមេការឈ្មោះ សានចយ អាចធ្វើសកម្មភាពកាប់ឈើនិងដឹកជញ្ជូនឈើចេញពីស្រុកសេសាន និងស្រុកសៀមប៉ាង ដោយគ្មានមន្ត្រីជំនាញឬសមត្ថកិច្ចណាហ៊ានប៉ះពាល់នោះគឺទីមួយឈ្មួញឈើរូបនេះមានខ្នងបង្អែករឹងមាំងនិងឈរក្រោមរូបភាពអាជ្ញាបណ្ឌ័ស្តារបាតអាងទំនប់វ៉ារីអគ្គិសនីសេសាន២របស់ឧកញ៉ាគិតម៉េង។អាឡូវមានសជណទៀតតើទប់បានអត់?។
