បន្ទាយមានជ័យ ៖ បុរសម្នាក់ជាថៅកែដេប៉ូចែកចាយស្រាបៀហ្គែនស្បើក នៅក្រុងសេរីសោភណ្ឌ័ខេត្តបន្ទាយមានជ័យដែលប្រព្រឹត្តហិង្សាលើប្រពន្ធត្រូវបានតុលាការឃុំខ្លួនហើយកាលពីថ្ងៃទី២មិនា២០១៨។លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណប្រាប់ឲ្យកាសែតដឹងថា កាលពីវេលាម៉ោង១០យប់ថ្ងៃទី១ ខែមីនា ឆ្នាំ២០១៨ នៅចំណុចភូមិសុភីសង្កាត់កំពង់ស្វាយ ក្រុងសិរីសោភ័ណ មានអំពើហិង្សាក្នុងគ្រួសារមួយកើតឡើង។ប្តីមានឈ្មោះ ហែម ហ៊ាង អាយុ៣៤ឆ្នាំ ជាថៅកែស្រាបៀរហ្គេនស្បើកសាខាខេត្តបន្ទាយមានជ័យ បានប្រើអំពើហិង្សាវាយប្រពន្ធឈ្មោះ យូ លីណា អាយុ៣១ ឆ្នាំ បណ្តាលឲ្យជាំភ្នែក ហើមដៃ និងបែកមាត់ ។
មុនពេលកើតហេតុប្តីប្រពន្ធ និងមានមិត្តភក្តិ៤នាក់ទៀតបានផឹកស្រាស្រវឹងរៀងៗខ្លួននៅ និងផ្ទះរបស់ខ្លួន ។ ការផឹកស៊ីចប់មិត្តភក្តិដែលបានផឹកស៊ីជាមួយគ្នាក៏នាំគ្នាត្រឡប់ទៅវិញអស់ ។ បន្ទាប់មកទៀតបុរសជាប្តីឈ្មោះ ហែម ហ៊ាង ដើរចូលក្នុងផ្ទះ ក៏ឮសម្លេងកូនយំ ហើយបានស្តីឲ្យប្រពន្ធ ។
ពួកគេទាំង២នាក់ប្តីប្រពន្ធបានប្រកែកគ្នាទៅវិញទៅមក ដោយប្រពន្ធបានជេរប្តីទៅវិញ នៅពេលនោះប្តីខឹងទាញទូរស័ព្ទគុបសំដៅចំប្រពន្ធតែគប់ខុស ហើយប្រពន្ធក៏ស្ទុះចូលវាយប្តីមុន ធ្វើឲ្យប្តីទ្រាំពុំបានក៏វាយតបតទៅវិញ បណ្តាលឲ្យរងរបួសពេញផ្ទៃមុខ ។ ក្រោយពីកើតអំពើហិង្សានោះហើយប្រពន្ធក៏LIVE facebook ស្រែកឲ្យសមត្ថកិច្ច និងព្រះរាជអាជ្ញាជួយ។ កម្លាំងនគរបាលប៉ុស្ថិ៍សង្កាត់កំពង់ស្វាយ ក៏ចុះទៅដល់កន្លែងកើតហេតុខាងលើ ដោយកោះអញ្ជើញ២នាក់ប្តីប្រពន្ធកន្លែងប៉ុស្ថិ៍ដើម្បីសួរនាំ ។
ភាគីខាងប្តីសុំសម្របសម្រួលជាមួយប្រពន្ធថាកុំប្តឹងអី ប៉ុន្តែប្រពន្ធមិនព្រមដោយទាឲ្យសមត្ថកិច្ចត្រូវចាប់ប្តីចាត់ការតាមផ្លូវច្បាប់នៅពេលកំពុងមានកំហឹង ទោះបីមានការសម្របសម្រួលពីសមត្ថកិច្ចក៏ប្រពន្ធមិនព្រមនោះដែរ ដាច់ខាតត្រូវចាប់ប្តីដាក់គុក ។ បុរសជាប្តីក៏បានឆ្លើយសារភាពទទួលកំហុសថាខ្លួនពិតជាប្រើងំពើហិង្សាទៅលើប្រពន្ធនោះមែន ។
សមត្តកិច្ចនិយាយថា៖ដោយមិនមានការសម្របសម្រួល និងមានអនុញ្ញាតិពីព្រះរាជអាជ្ញាអមសាលាដំបូងខេត្តបន្ទាយមានជ័យលោក មាស ច័ន្ទពិសិដ្ឋ សមត្ថកិច្ចក៏បានចាប់ខ្លួនបុរសជាប្តីបញ្ជូនមកឃុំឃាំងបណ្តោះអាសន្ននៅអធិការដ្ឋាននគរបាលក្រុងសិរីសោភ័ណដើម្បីកសាងសំណុំរឿងចាត់ការតាមផ្លូវច្បាប់ ។