ខេត្តព្រៃវែង ៖ នគរបាលប៉ុស្តិ៍រដ្ឋបាលកំពង់ពពិលបានឃាត់ខ្លួនបុរសវ័យ៧២ឆ្នាំ ពិការដៃម្ខាងម្នាក់ពីបទល្បួងក្មេងស្រីអាយុ៥ឆ្នាំយកទៅរំលោភក្នុងផ្ទះបានសម្រេចខ្លួនឯងរហូតដល់ទៅ២លើក ខណៈដែលការឃាត់ខ្លួននេះធ្វើឡើងកាលពីព្រឹកថ្ងៃទី០២ ខែមីនា ឆ្នាំ២០១៨ នៅពេល សមត្ថកិច្ចហៅមកសួរនាំនៅប៉ុស្តិ៍រដ្ឋបាលកំពង់ពពិល។
នាយប៉ុស្តិ៍រដ្ឋបាលឃុំកំពង់ពពិល លោក ថេង ប៊ុនឡេង បានឲ្យដឹងថា ជនសង្ស័យខាងលើនេះមានឈ្មោះ ឡូញ ស៊ីម អាយុ៧២ឆ្នាំ ជាបុរសពោះម៉ាយដែលត្រូវប្រពន្ធស្លាប់ចោល៦ឆ្នាំមកហើយ មានទីលំនៅក្នុងភូមិព្រែកកាំភ្លើង ឃុំកំពង់ពពិល ស្រុកពារាំង ខេត្តព្រៃវែង។ ចំណែកកុមារីរងគ្រោះឈ្មោះ ត.រ.ច.ន អាយុ៥ឆ្នាំ មានទីលំនៅក្នុងភូមិជាមួយគ្នា។
លោក ថេង ប៊ុនឡេង បានបន្តថា ក្នុងពេលហៅមកសួរនាំ ជនសង្ស័យបានសារភាពថា កាលពីដើមខែកុម្ភៈ ឆ្នាំ២០១៨ ខ្លួនបានល្បួងកុមារីរងគ្រោះឲ្យចូលទៅហូបបាយក្នុងផ្ទះរបស់ខ្លួន ហើយក៏ចាប់រំលោភបានសម្រេចខ្លួនឯងម្ដង (មិនស៊ីជម្រៅ) នៅលើគ្រែ ប៉ុន្តែពេលនោះនាងមិនយំ ឬរបួសអ្វីទេ គឺគាត់សម្រេចកាមតែខ្លួនឯងប៉ុណ្ណោះ ដោយបញ្ចេញទឹកកាមដាក់លើក្បាលពោះក្មេងស្រី ។
លុះមកដល់ថ្ងៃទី២៨ ខែកុម្ភៈ ឆ្នាំ២០១៨ ដោយមានអាម្មណ៍ស្រើបស្រាលចង់រួមភេទខ្លាំងពេក ក៏បានល្បួងក្មេងស្រីរងគ្រោះដោយឲ្យនំហូប រួចក៏ហៅឲ្យចូលក្នុងផ្ទះរំលោភរហូតបានសម្រេចម្ដងទៀត តែមិនស៊ីជម្រៅដដែល ដោយបាញ់ទឹកកាមដាក់លើខ្លួនកុមារីរងគ្រោះ ។ ប៉ុន្តែក្នុងពេលធ្វើសកម្មភាពនោះ ត្រូវបានបងប្រុសបង្កើតរបស់កុមារីរងគ្រោះមើលឃើញ តាមប្រហោងជញ្ជាំងផ្ទះ ទើបរត់ទៅប្រាប់ឳពុកម្តាយ ហើយក៏មកដាក់ពាក្យប្តឹងសមត្ថកិច្ចនៅប៉ុស្តិ៍រដ្ឋបាលឃុំកំពង់ពពិលនៅល្ងាចថ្ងៃដដែលនោះតែម្តង ។
ក្រោយពីសាកសួរ ជនសង្ស័យបានឆ្លើយសារភាពពីដំណើររឿងទាំងអស់ ទើបសមត្ថកិច្ចធ្វើការឃាត់ខ្លួនជនសង្ស័យ កសាងសំណុំរឿងចាត់ការទៅតាមនីតិវិធី នៅព្រឹកថ្ងៃទី០២ ខែមីនា ហើយគ្រោងនឹងបញ្ជូនខ្លួនជនសង្ស័យទៅកាន់សាលាដំបូងខេត្ត នៅថ្ងៃបន្ទាប់ ៕