កំពងឆ្នាំង ៖ ប្រជាពលរដ្ឋបានរាយការណ៍មកថា៖មានក្រុមឈ្មួញបានដាក់គ្រឿងឈូសឆាយដីព្រៃលិចទឹកដែលត្រូវហាមឃាត់នៅចំណុចផ្លូវចាម ក្នុងឃុំលង្វែកស្រុកកំពង់ត្រឡាច ខេត្តកំពង់ឆ្នាំងគគ្រឹកគគ្រេងមិនដឹងថាមានច្បាប់ឬមិនមានច្បាប់នោះទេ។
សេចក្តីរាយការណ៍បានអោយដឹងថា សកម្មភាព ឈូសឆាយដីព្រៃលិចទឹក ហ៊ុំពទ្ធ័យកធ្វើជាកម្មសិទ្ធនៅ ឃុំលង្វែក នៅស្រុកកំពង់ត្រឡាច បើគិតទៅគឺតែផ្គើនទៅនឹងបទបញ្ជាររបស់ឯកឧត្តមអភិបាលខេត្តពិសេសបទបញ្ជារបស់សម្ដេចតេជោហ៊ុន សែនតែម្តង។ជាងនេះទៅទៀតគឹនៅពេលអ្នកកាសែតសាកសួរទៅកាន់មន្ត្រីអាជ្ញាធរស្រុក ជំនាញ និងមន្ទីរពាក់ព័ន្ធបែជា ឆ្លើយថាអត់បានដឹង!!អត់ដឹទៅវិញ!!!
បើតាមប្រជាពឡរដ្ឋឲ្យដឹងថា៖ គ្រឿងចក្របានចូលមកឈូសឆាយ តំបន់នោះរាប់ខែមកហើយ។កន្លងមក ទីនោះគឺជាទីតាំងរបស់ក្រុមហ៊ុនមួយដែលធ្លាប់បើកការដ្ឋានបូយកខ្សាច់ខុសច្បាប់ ប៉ុន្តែបច្ចុប្បន្នកំពងុធ្វើសកម្មភាពឈូសឆាយ ដីព្រៃលិចទឹក ហ៊ុំពទ្ធ័យកធ្វើជាកម្មសិទ្ធ(ធ្វើស្រែប្រាំង)បន្ថែម នៅចំណុចថ្នល់ចាម ឃុំលង្វែកស្រុក កំពង់ត្រឡាចខេត្តកំពង់ឆ្នាំង បែរជាសមត្ថកិច្ចជំនាញនិងអាជ្ញាធរមូលដ្ឋានឆ្លើយថា មិនដឹងទៅវីញតើឲ្យសង្ឃឹមលើអី? ។
ករណីនេះ សង្ឃឹមថាអាជ្ញាធរខេត្តគួរនឹងធ្វើការស៊ើបអង្កេតដើម្បីផ្សព្វផ្សាយឲ្យដឹថា៖ តើជាដីស្រែរបស់ពលរដ្ឋ ឬក៏ជាដីរបស់ក្រុមឈ្មួញ? ម្យាងទៀតតើការឈូសឆាយដីព្រៃលិចទឹកនៅចំណុចនោះមានការអនុញ្ញាតច្បាប់ត្រឹមត្រូវដែរឫទេ? ៕