រាជធានីភ្នំពេញ ៖ សង្ឃឈ្មោះ ប៊ុត ប៊ុនតិញ បានប្រើពាក្យសំដីប្រមាថ យ៉ាងធ្ងន់ធ្ងរបំផុត ដល់ព្រះចេស្តាព្រះមហាក្សត្រខ្មែរ ដោយបាននិយាយថា បានសោយទឹកនោមវៀតណាម ក្រៅពីនាយករដ្ឋមន្ត្រី និងប្រជាជនខ្មែរ ។ ការប្រមាថនោះធ្វើឡើងក្នុងកិច្ចសម្ភាសន៍មួយរបស់សង្ឃឈ្មោះ ប៊ុត ប៊ុនតិញ ជាមួយវិទ្យុ អាស៊ីសេរី ដែលជាវិទ្យុរបស់សហរដ្ឋអាមេរិក កាលពីយប់ថ្ងៃទី២៧ ខែកុម្ភៈ ឆ្នាំ២០១៨នេះ ។
យោងតាមក្លីបវីដេអូដែលត្រូវបានផ្សព្វផ្សាយនៅថ្ងៃនេះ សង្ឃឈ្មោះ ប៊ុត ប៊ុនតិញ បាននិយាយថា «រាល់ថ្ងៃនេះ ខ្មែរភ្នំពេញ និងខ្មែរនៅតាមបណ្តាខេត្តមួយចំនួនទៀតផឹកទឹក នោមយួនទេ គេនោម គេជុះដាក់ទន្លេ ហើយយើងយកទឹកទន្លេដែលបកមកក្បែរវាំងហ្នឹង កន្លែងប្រសព្វទឹកចាក់មកក្បែរវាំងហ្នឹង អញ្ចឹងអ្នកដែលផឹកទឹកនោមយួន មិនមែនតែនាយករដ្ឋ មន្ត្រីទេ ស្តេចហ្នឹងក៏ផឹក តែអាត្មាអ្នកសៀមរាបអត់មានផឹកទេ គឺជីកអណ្តូងផឹក»។
ប្រជាពលរដ្ឋខ្មែរដែលបានស្តាប់ការប្រមាថរបស់សង្ឃឈ្មោះ ប៊ុត ប៊ុនតិញ ចំពោះព្រះមហាក្សត្រ ខ្មែរបានបង្ហាញការក្តៅក្រហាយយ៉ាងខ្លាំង ហើយទាមទារឲ្យរាជរដ្ឋាភិបាលកម្ពុជា ក៏ដូចជា សមត្ថកិច្ចពាក់ព័ន្ធចាត់វិធានការសង្ឃបំផ្លាញសាសនា ឬ ទមិឡម្នាក់នេះយកមកផ្តន្ទាទោសតាម ច្បាប់មិនអាចលើកលែងបាននោះឡើយ។
សូមជម្រាបថា យោងតាមវិសោធនកម្មថ្មីនៃច្បាប់ព្រហ្មទណ្ឌ បានចែងយ៉ាងដូច្នេះថា ៖ «ការប្រមាថចំពោះអង្គព្រះមហាក្សត្រ ត្រូវផ្តន្ទាទោសដាក់ពន្ធនាគារពី ០១ឆ្នាំ ទៅ០៥ឆ្នាំ និងពិន័យជាប្រាក់ពី ២លានរៀល ទៅ១០លានរៀល។ ចំពោះនីតីបុគ្គលក៏អាចត្រូវ បានផ្តនា្ទទោសពិន័យជាប្រាក់ ១០លានរៀល ទៅ៥០លានរៀល ព្រមទាំងទោសបន្ថែមមួយ ឬច្រើន ក្នុងករណីដែលតុលាការរកឃើញថា មានពិរុទ្ធភាពពាក់ព័ន្ទនឹងការប្រមាថ ចំពោះអង្គព្រះមហាក្សត្រ»៕
