ខេត្តមណ្ឌលគីរី ៖ ឈើហ៊ុបរាប់ម៉ឺនកំណាត់ និងកូនក្រឡឹងធ្នង់រាប់ម៉ឺនដុំ ដែលពួកឈ្មួញលាក់ទុកនៅក្នុងក្រុមហ៊ុន មាស្ទឺរ ខេសាន់ ខេសាន់ ឋិតនៅក្នុងដែនអភិរក្សសត្វព្រៃ ដែលគ្រប់គ្រងដោយលោក សំរង ឌីវិចិត្ត្រ នាយកដែនជំរកសត្វភ្នំព្រេច មិនដែលឃើញជំនាញណាអើពើឡើយ ។ ឈើទាំងអស់នេះ គេប្រាប់អោយដឹងថា ជាឈើរបស់លោកឧកញ៉ា សឹង សំអុល ដែលមានរហស្សនាមថា ជាឧកញ៉ាបំផ្លាញជាតិ។ ក្រុមហ៊ុននេះមានទីតាំងនៅឃុំសុខសាន្ត ស្រុកកោះញែក ខេត្តមណ្ឌលគីរី ។
កាលពីថ្ងៃម្សិលមិញ វេលាម៉ោង ១២ និង ៣០ នាទី គេឃើញមានយន្តហោះរបស់គណៈកម្មាធិការជាតិ ដឹកនាំដោយលោកឧត្តមសេនីយ៍ វង្ស ពិសេន មេបញ្ជារការរងកងរាជអាវុធហត្ថតំណាងដ៏ខ្ពង់ខ្ពស់ នាយឧត្តមសេនីយ៍ សៅ សុខា ឯកឧត្តមប្រតិភូ ឆេង គឹមស៊ុន និងឯកឧត្តម ហ៊ូ សុគន្ធ បានចុះត្រួតពិនិត្យ នៅក្នុងក្រុមហ៊ុននោះ តែពុំទាន់បានដឹងព័ត៌មាននៅឡើយ ។
ចំពោះបញ្ហានេះលោក សំរ៉ង ឌីវិចិត្ត មិនអាចសុំកាបំភ្លឺបានទេ ដោយទូរស័ព្ទចូលច្រើនដង តែគ្មាននាក់ទទូល ចំណែកលោក ឈិត សុផល ប្រធានមន្ទីបរិស្ថានខេត្តមណ្ឌលគីរីបានប្រាប់ឲ្យដឹងថា ក្រោយពីបានទទូលដំណឹងភ្លាម ខ្ញុំក៏កំពុងចាត់ចែងកំលាំងឲ្យចុះទៅទីនោះ ហើយខ្លួនខ្ញុំផ្ទាល់ក៏ចុះទៅទីនោះដែរ នៅព្រឹកថ្ងៃទី២៨ មករា នេះ ៕
ដោយ ៖ ហ៊ិន សុគន់