ខេត្តមណ្ឌលគីរី ៖ នៅព្រឹកថ្ងៃទី២៧ ខែមករា ឆ្នាំ២០១៦នេះ មានករណីបាក់រណ្តៅជីករ៉ែជ្រៅមួយកន្លែង ស្លាប់មនុស្សម្នាក់ និងរងរបួសធ្ងន់ម្នាក់ ស្ថិតនៅឃុំចុងភ្លាស់ ស្រុកកែវសីមា ខេត្តមណ្ឌលគីរី ។
បើតាមសំដីលោក ស៊ុន ប៊ុនធឿន អធិការស្រុកកែវសីមា បានប្រាប់ឲ្យថា នៅវេលាម៉ោង ០៧ និង ១៥ នាទី នៅរណ្ដៅរ៉ែឈ្មោះ ហេង សម្បត្តិ ភេទប្រុសអាយុ ៤១ ឆ្នាំ បណ្ដាលឲ្យស្លាបម្នាក់នឹងរបួសម្នាក់ដោយសាបាក់មាត់រណ្ដៅរ៉ែ ។ អ្នកស្លាប់ឈ្មោះលឹម សាន្តភេទប្រុសអាយុ ២១ ឆ្នាំ មានស្រុកកំនើតនៅមេមត់ ឃុំមេមត់ ស្រុកមេមត់ ខេត្តត្បូងឃ្មុំ និងអ្នករបួសមានឈ្មោះ អេន ណៃ ភេទប្រុសអា ៣១ ឆ្នាំ មានស្រុកកំនើតភូមិត្បូងពេជ ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ ។
ម្ចាស់រណ្ដៅ ឈ្មោះ ហេង សម្បត្តិ ភេទប្រុសអាយុ ៤១ ឆ្នាំមានស្រុកកំនើតមេមត់ ឃុំមេមត់ស្រុកមេមត់ អ្នករងរបួសធ្ងន់ នៅពេលនេះបានកំពុងបញ្ជូនទៅកាន់មន្ទីរពេទ្យ ដើម្បីជួយសង្គ្រោះបន្ទាន់៕
ដោយ ៖ ហ៊ិន សុគន់
