ពោធិ៍សាត់៖ បទល្មើសនេសាទប្រភេទអូសអ៊ួន បង្កឡើងដោយជនជាតិយួននៅលើផ្ទៃទឹកបឹងទន្លេសាប នៅក្នុង បីរស្រុកគឺ (ស្រុកកណ្តៀង ស្រុកក្រគរ ស្រុកបាកាន )ក្នុងទឹកដីខេត្តពោធិ៍សាត់ បាននិងកំពុងកើតយ៉ាងអាណាធិបតេយ្យ ដែលគេសង្ស័យថាជំនាញនិងសមត្ថកិច្ចឃុបឃិតគ្នាបើកដៃឲ្យហ្ម៉ង!។ក្រុមឈ្មួញជាជនជាតិយួនដែលជើងខ្លាំងខាងប្រព្រឹត្ត បទល្មើសមាន ចំនួន ៨នាក់ ដែលគេស្គាល់ឈ្មោះ(ហេង ថាំង/ យ៉ យ៉ាំ ធិន/ វ៉ាង យ៉ាំង តេវ/វ៉ាង យ៉ាំងយ៉ាង/ ឡេ យ៉ាំងដាំង/ វ៉ាង យ៉ាំងដៀង/ ឌិន យ៉ាំងថេង /និង ឈ្នោះ លី ករ )គេនិយាយថា៖ បានរត់ការបង់លុយ ឱ្យសមត្ថកិច្ច ជំនាញក្នុង១ វង់ អស់ទឹកប្រាក់ប្រមាណពី១០ លានរៀលទៅ១៥លានរៀល ។
ករណីនេះ ប្រជានេសាទតូចតាចជាលក្ខណៈគ្រួសារបានដាក់ការសង្ស័យនិងលើកឡើងថា អាជ្ញាធរខេត្តពោធិ៍សាត់ កំពុងប្រឆាំងបទបញ្ជាលេខ ០១ របស់ប្រមុខរដ្ឋាភិបាលសម្ដេចតេជោហ៊ុនសែន។
បើយោងតាមប្រភពពីប្រជាពលរដ្ឋបានអោយដឹងថាសព្វថ្ងៃបន្ទាប់ពីចូលឆ្នាំចិន វៀតណាមហើយមក ក្រុមឈ្មួញកំពុងសម្រុកធ្វើសកម្មភាអូសអួននៅចំណុចជាច្រើនកន្លែងដូចជារាំងទិល កោះក្អែក និងជាពិសេសលួចធ្វើសកម្មភាពនេសាទ ក្នុងតំបន់អភិរក្ស ពួជត្រីកំពង់ប្រាក់ក្នុងស្រុកក្រគរខេត្តពោធិ៍សាត់ទៀតផង។
ពាក់ព័ន្ធនិងព័ត៌មានខាងលើសារព័ត៌មានយើងមិនអាចសុំការអធិប្បាយពីលោកនាយផ្នែកនិងលោកនាយសង្កាតរដ្ឋបាលជលផលប្រចាំស្រុកទាំង៣គឺ(ស្រុក កណ្ដៀង បាកាន និងស្រុកក្រគរបាននៅឡើយព្រោះទូរស័ព្ទចូលគ្មានអ្នកលើក និងទូរស័ព្ទទោះខ្លះមិនអាចទាក់ទងបានទេ។ ទោះយ៉ាងណាសង្ឃឹមថាសមត្ថកិច្ចជំនាញនិងអាជ្ញាធរខេត្ត ពិសេសថ្នាក់លើ នឹងមានវិធានការចំពោះឧបករណ៍នេសាទល្មើសច្បាប់ខាងលើបន្ទាប់ពីមានសារព័ត៌មានចុះផ្សាយ៕
