ភ្នំពេញ ៖ អតីត Freshie Girl ចំណាត់ថ្នាក់លេខ៣ នៅឆ្នាំ ២០០៧ សម្បុរខ្មៅស្រអែម អ្នកនាង ប្រាសាទ ដាវីន បានសម្រេចចិត្តវិលមក រស់នៅស្រុកខ្មែរវិញក្រោយផលិតបានកូនមួយនិងបែកបាក់ពីស្វាមី កាលពីឆ្នាំមុននេះ។ប្រាសាទ ដាវីន បានបាត់មុខពីការងារ សិល្បៈអស់រយៈពេលជិត១០ឆ្នាំ ដោយនាងសំងំរស់នៅប្រទេសអូស្ត្រាលី រហូតមានប្តីនិងមានកូនបន្ទាប់ពីក្រោមលេសថា មានជនអនាមិកគំរាម សម្លាប់កាលពីអំឡុងឆ្នាំ២០០៨នៅរាជធានីភ្នំពេញ។ ប្រភពដដែលបន្តថា ប្រាសាទ ដាវីន បានសម្រេចចិត្តវិលមករស់នៅកម្ពុជា ជិតមួយឆ្នាំហើយគឺបន្ទាប់ពីបែកស្វាមីនាង កាលពីឆ្នាំមុន ។ អ្នកស្គាល់និយាយថា៖ទោះធ្លាក់ខ្លួនជាស្ត្រីមេម៉ាយកូនមួយ ប៉ុន្តែប្រាសាទ ដាវីន នៅតែរឹងមាំជាមួយនឹងការតស៊ូច្រើន។ ថ្មីៗនេះនាងនៅតែបន្តទទួលយក ការងារសិល្បៈដដែលជាបន្តបន្ទាប់ ហើយនាងក៏បានបើកហាងផឹកស៊ី មួយកន្លែងនៅតំបន់ភ្នំពេញថ្មីផងដែរ។
សូមព្ជាក់ថាក្នុងឆ្នាំ ២០០៨ខណៈដែលនាងចេញទៅសម្តែងនៅ ប្រទេសបារាំងនោះនៅផ្ទះនាងឯទីក្រុងភ្នំពេញមានការគំរាម បោះគ្រាប់បែកនិង លិខិតគំរាមដល់ជីវិត ។ ប៉ុន្តែហេតុការនេះត្រូវបានគេសង្ស័យថា គឺជារឿងប្រឌិតហើយក្រោយមកនាងក៏ទទួលបានសិទ្ធិ ជ្រកកោនលើទឹកដី នៃប្រទេសអូស្ត្រាលីក្រោម ការធានាជាផ្លូវការពីគូដណ្តឹង របស់នាងដែលជាបុរស អាណិកជនអូស្ត្រាលី និងបានដឹកដៃគ្នាចូលរោងការនៅឆ្នាំ២០១១ ៕