ភ្នំពេញ៖ ហាងកាហ្វេមួយកន្លែង ដែលស្ថិតនៅតាមបណ្ដោយផ្លូវលេខ១៤២ កែងនិងផ្លូវលេខ៣៧៦ ស្ថិតក្នុងសង្កាត់បឹងកេងកង៣ ខណ្ឌចំការមន បាននិងកំពុងបើកលេងល្បែងស៊ីសង(ភ្នាល់បាល់)ដ៏ធំ រួមទាំងល្បែងស៊ីសងជាច្រើនទៀត ដែលផ្សាយតាមអនឡាញចេញពីកាស៊ីណូ។ ទីតាំងល្បែងស៊ីសងខុសច្បាប់ខាងលើនេះ បើមើលទៅដូចជាហាងកាហ្វេធម្មតាទេ តែពេលចូលទៅខាងក្នុងវិញទើបដឹងថា មានញៀនល្បែងទាំងចាស់ ទាំងយុវជន ចូលលេងយ៉ាងច្រើន ដោយពួកគេភ្នាល់លុយរាប់រយ រាប់ពាន់ដុល្លារ រហូតមានដល់ម៉ឺនដុល្លារណោះ!។
សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងលោក ឃួង ស្រេង អភិបាល នៃគណៈអភិបាលរាជធានីភ្នំពេញបានដាក់បទបញ្ជាយ៉ាងម៉ឺងម៉ាត់ដល់កម្លាំងសមត្ថកិច្ចពាក់ព័ន្ធទាំងអស់ឲ្យបង្ក្រាបរាល់ល្បែងស៊ីសង គ្រឿងញៀន និងត្រូវទប់ស្កាត់បទល្មើសនានានៅតាមបណ្តាខណ្ខនីមួយៗ។តែមិនដឹងថាហេតុអីសមត្ថកិច្ចខណ្ឌចំការមនមិនបង្ក្រាប?ឬជាប្រភពចំណូលរបស់ខណ្ឌ័?៕