កំពង់ឆ្នាំង ៖ កាលពីរសៀលថ្ងៃទី១៩ ខែកុម្ភៈ ឆ្នាំ ២០១៨ លោកស លាងប្រធានមន្ទីរធម្មការខេត្តរួមនិងមន្ត្រីសង្ឃខេត្តជាច្រើនអង្គបាននិមន្ត និងអញ្ជើញទៅវត្តអារញ្ញរង្សី ហៅវត្តព្រែករាំងដើម្បីបើកការប្រជុំ ព្យួតំណែងនិងដកព្រះគ្រូចៅអធិការវត្ត ព្រះនាម អ៊ុក ចាន់ថនចេញពីតួនាទីជាចៅអធិការវត្ថតាមដីកាសម្រេចរបស់គណៈសង្ឃនាយក មិនអោយធ្វើជាចៅអធិការវត្តបន្តទៀតដោយសារមានទំនាស់ជាមួយមេជាងសាងសង់វិហារ ។
ប្រភពព័ត៌មានពីចេញព្រះគ្រូចៅអធិការវត្តព្រែករាំងបានអោយដឹងថា៖ ទំនាស់រ៉ាំរ៉ៃនៅវត្តអារញ្ញរង្សី(ហៅវត្តព្រែករាំង) ស្ថិតនៅក្នុងភូមិព្រែករាំង ឃុំទឹកហូត ស្រុករលាប្អៀរ ខេត្តកំពង់ឆ្នាំងរវាង មេជាងសាងសង់ព្រះវិហារនិងព្រះគ្រូចៅអធិការ គណៈកម្មការអាចារ្យ ក្នុងតម្លៃជាង៥ម៉ឺនដុល្លារអាមេរិកតែមេជាង សាងសង់វិហ៊ាររមិនអនុវត្តតាមកិច្ចសន្យាសាងសង់ទៅវិញ។ រីឯការសាសង់គឺបានត្រឹមតែកំពូលត្រៃយ៍សូលនៃកំពូលព្រះវិហ៊ារ តែប៉ុណ្ណោះនៅខ្វះក្បាលនាគ២៥និងជ្វាទាំង៤ទឹស។
ចំណែកកំពូលត្រៃសូលវិញជាងធ្វើខុសលក្ខណៈគឹទាបកន្តុញខុសស្តង់ដារនៃកិច្ចសន្យាទៀតហើយចេះតែទៅទារលុយពីព្រះអង្គព្រះគ្រូចៅអធិការ។ក្រៅពីមិនគោរពតាមកិច្ចសន្យារមេជាងនេះបានជេប្រមាថមើលងាយព្រះអង្គនិងមានប្រើពាក្យគម្រាមសម្លាប់ព្រះអង្គហើយ ចង់ចាប់ផ្សឹកព្រះអង្គនិងដេញចេញពីវត្តទៀតផង ។
នៅក្នុងការប្រជុំនោះប្រជាពលរដ្ឋចាពុទ្ធបរិស័ទ្ធចំណុះជើងវត្តបានតវ៉ាបដិសេធន៍ដាច់ខាចចំពោះការចង់ផ្សឹកព្រះអង្គជាចៅអធិការ ព្រោះព្រះអង្គគ្មានកំហុសនិងបានខិតខំកសាងព្រះវិហារនេះណាស់។ វត្តស្រុកទន្លេរមិនងាយកសាង ដូចវត្តនៅស្រុកលើ ដែលទឹកមិនលិចនោះទេ សូមថ្នាក់លើ ពិសេសមន្ត្រីសង្ឃនិងគណៈសង្ឃនាយកមេត្តាពិនិត្យ ពិចារឡើងវិញផង៕
