បន្ទាយមានជ័យ ៖ នៅថ្ងៃទី១៩ ០២ ២០១៨ស្នាក់ការគយនិងរដ្ឋាករច្រកទ្វារអន្តរជាតិប៉ោយប៉ែត បានចាប់ឡានគេចពន្ធ១គ្រឿងម៉ាក តូយូតាហ៊ីលុចរីវ៉ូ០១៧ ពណ័សយកមកទុកនៅទីស្នាក់ការបានតែមួយដង្ហើមចង្រិតប៉ុណ្ណោះក៏ត្រូវបានដោះលេងវិញវិញបាត់។ប្រភពព័ត៌មានពីសមត្តកិច្ចដែលសុំលាក់ឈ្មោះបានឲ្យដឹងថា៖បាន ឡាននេះ ជារបស់ លោក វរៈសេនីយ៍ឯក សូរ ចាន់រី មេបញ្ជាការនគរបាលការពារព្រុំដែនវរៈ៩១១នៃស្នងការដ្ឋាននគរបាលខេត្តបន្ទាយមានជ័យ។ករណិយ៍មួយនេះអ្នករកស៊ីបានបង្ហើបថា៖ការពិតលោកសូរ ចាន់រី គាត់បានទិញឡាននៅស្រុកសៀម១គ្រឿងម៉ាកហ្វរ័ធូនរ័មានស្លាកលេខសៀមដើម្បីធ្វើជាខែលសម្រាប់ប្រកបមុខរបរជំនួញរបស់គាត់។
ដោយសារគាត់ជានគរបាលគាត់បានដោះដូរស្លាកលេខសៀមពីឡានស្របច្បាប់របស់គាត់មកបំពាក់ឡានអត់ច្បាប់ដើម្បីបន្លំយកចូលមកស្រុកខ្មែរតាមច្រករបៀងដែលនគរបាលវរៈ៩១១ក្រោមបញ្ជាររបស់គាត់មើលការខុសត្រូវ។
ប្រភពបន្តថា លោកសូរ ចាន់រី បានលួចនាំឡានចង្កូតស្តាំខុសច្បាប់ចូលមកលក់ក្នុងស្រុកខ្មែរក្នុង១ថ្ងៃចាប់ពី៣ទៅ៥គ្រឿង ហើយក្នុង១គ្រឿងៗបានចំណេញមិនក្រោមពី៣០០០ដុល្លារទៅ៥០០០ដុល្លារអមេរិកនោះទេ។មិនដឹងថាកន្លងមកគាត់ចាយជាមួយគយឬក៏អត់នោះទេតែគេជឿថាលោកសូចារីអាចប្រកបរបរចឹងបានគឺទាល់តែមានការបិទភ្នែកពីថ្នាក់លើគាត់ដែរបានទៅរួចព្រោះគ្មានអ្វីដែលអាចលាក់ជាមួយមេៗគាត់បានទេ!។
សូមបញ្ជាក់ថា៖ឡានគេចពន្ធនេះបានចាប់មកទុកនៅទីស្នាក់ការគយច្រកប៉ោយប៉ែតបានតែមួយរយះខ្លីប៉ុណ្ណោះហើយក៏ត្រូវបាត់ស្រមោលទៅវិញ មិនដឹងថា៖មានការអន្តរាគមន៍ដោះលេងពីថ្នាក់ំណានោះទេ ឬមួយក៏មានការចចារឃុបឃឹតប្រព្រឹត្តអំពើរពុករលួយបណាបែណាមួយពីស្ថាប័នជំនាញនោះដែរ ផងដែរ។
ករណីយ៍លោកសក្តិ៥សូរ ចាន់រី មេវរៈព្រុំដែនលេខ៨១១បានបំភ្លឺប្រាប់កាសែត ថា៖ឡាននេះជាឡានរបស់លោកពិតមែន គឺលោកមានឯកសារត្រឹមត្រូវ ហើយបើឡានខុសច្បាប់ខាងជំនាញគយក៍គេមិនអោយវិញដែរ។
មិនអាចសុំការពន្យល់ពីលោកហ៊ុយសុជាតិមេគយច្រកប៉ោយប៉ែតដែលធ្លាប់រងការចោទថាឃុបឃឺតជាមួយឈ្មួញនាំទំនិញគេចពន្ធរឿងចាប់ឡានលោកសូចាន់រីបានមួយដង្ហើមចង្រឹតហើយដោះលែងវិញនោះបានទេ។ទោះជាយ៉ាងណាសង្ឃឹមថានឹងមានការស្រាវជ្រាវវបំភ្លឺពីសមត្តកិច្ចជំនាញពិសេសអង្គភាពប្រឆាំងអំពើរពុករលួយបង្កឡើងដោលលោកសូចាន់រីជាមិនខាន។ព្រោះវាមិនដែលមានស្លាកលេខឡានហ្វរ័ធូនរ័ស្របច្បាប់ដូចគ្នានិងឡានឡានហ៊ីលុចរីវ៉ូឆ្នាំ២០១៧ចឹងទេ ៕
