ខេត្តព្រៃវែង៖ ក្រុមហ៊ុនអង្គរសុខសារិទ្ធមានជ័យទទួលបានសិទ្ធអនុញ្ញតឲ្យនាំចេញគោក្របីដែលហួសពលកម្មប្រើចេញតែបើតាមប្រភពច្រកនាំចេញក្រុមហ៊ុនមួយនេះបាននាំគោក្របីទាំងតូចទាំងធំទៅលក់នៅវៀតណាមថា លើសកំណត់ ចាប់ពី៧០ ទៅ៨០ភាគ រយនៃច្បាប់ ដែលអាចធ្វើឲ្យក្រុមហ៊ុនចំ ណេញកបក្តោង។ ប្រភពបានលើកឡើងទៀតថា ក្រុមហ៊ុន អង្គរសុខសារិទ្ធមានជ័យដែលមានលោកឧកញ៉ា ជឹម សុខ ជាប្រធានបាននាំសត្វ គោក្របីតូចៗនិងធំពេញកម្លាំង ពលកម្មយកទៅ លក់ឲ្យវៀតណាមតាម ច្រកតំបន់ស្វាយអាង៉ោង ស្រុកកំពង់ត្របែក ខេត្តព្រៃវែង ជាប្រចាំ ។
សត្វគោក្របីរាប់ម៉ឺនក្បាល ក្នុង១ខែៗមានទាំងកូនទាំងមេត្រូវបាន ក្រុមហ៊ុនរបស់លោកឧកញ៉ា ជឹម សុខ នាំចេញទៅ លក់ នៅ ប្រទេសវៀត ណាមលើស លិខិតអនុញ្ញាតច្រើនទ្វេដង ផ្ទុយពីគោលការណ៍ច្បាប់ ដែលតម្រូវឲ្យមានការនាំចេញសត្វគោក្របីណា ដែលចាស់ជរាអស់កម្លាំង ពលកម្ម អូស ទាញប៉ុណ្ណោះ។
សព្វថ្ងៃក្រុមហ៊ុនមួយនេះបានទទួលការនាំ ចេញសត្វគោក្របីទៅ ប្រទេសជិតខាង ក្នុងមួយឆមាសរយៈ ពេល៦ខែចំនួន៥.០០០ក្បាល ដោយនាំ ចេញតាមច្រកទ្វារផ្សេងៗក្នុ ងខេត្តមួយចំនួនក្នុងប្រទេសកម្ពុជា ទៅកាន់ប្រទេសថៃ និង វៀតណាម។ ក្នុងនោះសម្រាប់ច្រកស្វាយ អាង៉ោង គេបានបែងចែកឲ្យក្រុមហ៊ុនខាង លើនាំចេញសត្វគោក្របីក្នុង១ខែ ចំនួនតែ៥០០ក្បាលទៅ ៧០០ក្បាលប៉ុណ្ណោះ សម្រាប់គោក្របីណាដែលអស់ពលកម្ម។
ផ្ទុយទៅវិញ ភាគីក្រុមហ៊ុនអង្គរសុខសារិទ្ធ មានជ័យបាន បំពានច្បាប់ដោយនាំចេញ កូនគោក្របី ទាំងតូចទាំង ធំតាម ច្រកស្វាយ អាង៉ោង ក្នុងមួយថ្ងៃៗជិត១.០០០ក្បាល ខណៈច្បា ប់អនុញ្ញាតឲ្យនាំចេញតែ៧០០ក្បាលក្នុងមួយខែប៉ុណ្ណោះ ។ក្នុងនោះគេនាំចេញគោក្របីតែ២ ថ្ងៃស្មើច្បាប់អនុញ្ញាត១ខែបាត់ទៅហើយ ដូច្នេះ គេចំណេញបាន ២៨ថ្ងៃទៀត។
មិនតែ ប៉ុណ្ណោះឈ្មួញទាំងអស់ដែលយកសត្វគោក្របីមកលក់ឲ្យជនជាតិវៀតណាមតាម ច្រកស្វាយអាង៉ោងនេះគឺក្រុមហ៊ុនអង្គរ សុខសារិទ្ធមាន ជ័យដែលទទួលសិទ្ធិផ្ដាច់មុខតម្រូវឲ្យឈ្មួញទាំងនោះបង់លុយឲ្យ ក្រុមហ៊ុនក្នុង១ក្បាល៤ម៉ឺនរៀល ជាប្រភេទ កូនគោក្របីតែបើពេញវ័យ១ក្បាល៦ម៉ឺនរៀលសម្រាប់គោក្របីណាធំធាត់១ក្បាលបង់១២ម៉ឺនរៀល និងបង់បេនអស់៥.០០០ រៀលទៀតក្នុង១ក្បាល ។
អ្នករកស៊ីទិញគោ ក្របី លក់តូចតាច និងប្រជាពលរដ្ឋដែលទិញសត្វគោក្របីយកទៅចិញ្ចឹម បានត្អូញត្អែរថា គ្រាន់តែទិញគោក្របី ពីតំបន់ផ្សេងយកទៅចិញ្ចឹម ហើយត្រូវដឹកតាមបណ្តោយផ្លូវជាតិលេខ១ ឆ្លងកាត់ខេត្តកណ្តាល និងខេត្តព្រៃវែង គឺសត្វគោ ក្របី របស់ពួកគាត់មួយក្បាល ត្រូវបង់លុយជូនលោកឧកញ៉ាម្នាក់ ជឹមសុខដែរ ។ ការជំរិតទារលុយរបៀបនេះ គេអះអាងថា ឆ្លងកាត់ ” ទឹកដី ” របស់ឧកញ៉ា ជឹម សុខ ដែលបានប៉ាវផ្តាច់មុខ គឺគាត់មានអជ្ញាប័ណ្ណដឹកជញ្ជូនគោ ក្របី នាំទៅលក់នៅប្រទេសវៀតណាមតាមច្រកទ្វារខេត្តព្រៃវែង ។
ក្រៅពីការបង់លុយឲ្យលោកឧកញ៉ា ជឹម សុខ ប្រជាពលរដ្ឋដឹកគោ ក្របី បានអះអាងបន្ថែមថា នៅបង់លុយឲ្យលោកពេទ្យសត្វ និងសមត្ថកិច្ចផ្សេងៗជាច្រើនកន្លែងទៀត ដែលសរុបទាំងអស់ គោ ឬក្របីដឹកតាមផ្លូវជាតិលេខ១ ឆ្លងកាត់ខេត្តកណ្តាល និងខេត្តព្រៃវែងមួយក្បាល ត្រូវចំណាយលុយអស់យ៉ាងតិច ២០ម៉ឺនរៀល ហើយបើមិនបង់លុយឲ្យភ្នាក់ងាររបស់លោកឧកញ៉ា ជឹម សុខ និងពេទ្យសត្វ ដែលដាក់ប៉ុស្តិ៍ចល័តតាមផ្លូវជាតិលេខ១ជាប្រចាំនោះ គឺពួកគាត់មិនអាចដឹកសត្វគោ ក្របី ទិញទៅចិញ្ចឹមនោះដល់ផ្ទះបានទេ ។
សូមបញ្ជាក់ដែរថាក្រុមហ៊ុនអង្គរ សុខសារិទ្ធមាន ជ័យមាន៤ភាគហ៊ុនធំៗក្នុងនោះលោកឧកញ៉ា ជឹម សុខកាន់កាប់៤០ភាគរយ។បើតាមការបញ្ជាក់ពីមន្ត្រីម្នាក់នៅខេត្តព្រៃវែងបានឲ្យដឹងថា លោកឧកញ៉ា ជឹម សុខដែលជាអនុប្រធានក្រុមការងារចុះស្រុកពាមរក៏ បានប៉ាវផ្តាច់មុខក្នុងរបររកស៊ីដឹកគោ ក្របីយកទៅលក់នៅប្រទេសវៀតណាម ហើយគាត់ក៏បាននាំជ្រូកពីវៀតណាមចូលមកប្រទេសកម្ពុជាវិញទាំងឡានៗ ដោយគ្មានជំនាញណាម្នាក់ត្រួតពិនិត្យឡើយ ហើយគេសង្កេតឃើញមន្ត្រីពេទ្យសត្វ និងសមត្ថកិច្ចគ្រប់ស្ថាប័នបែរជាទៅជួយតាមការពាររបររកស៊ីលោកឧកញ៉ារូបនោះទៅវិញ ។
ប្រភពបន្ថែមថា លោកឧកញ៉ាជឹម សុខ បានប៉ាវផ្តាច់ដឹកអង្ករពីប្រទេសវៀតណាម ចូលមកប្រទេសកម្ពុជាដើម្បីនាំទៅលក់នៅប្រទេសថៃ ហើយក្នុងមួយថ្ងៃៗ ក្បួនខ្សែឡានរបស់លោកឧកញ៉ារាប់សិបគ្រឿងប្រភេទយីឌុបធុនយក្សផ្ទុកអង្ករលើសទម្ងន់ស្ទើរបាក់ស្ពាន ខ្ទេចផ្លូវយ៉ាងដំណំ ក៏គ្មានស្ថាប័នណាមួយត្រួតពិនិត្យឡើយ ។
