រាជធានីភ្នំពេញ ៖ ជនជាតិកូរ៉េម្នាក់ បានហៅនារី ជាបុគ្គលិកណាហ្កាម្នាក់ មកដេកមួយដោយការព្រមព្រៀងគ្នា ក្នុងតម្លៃ ១០០ ដុល្លារ តែពេលរួចរាល់ បែរជាមកបង្ខំនាង ឲ្យនៅដេកជាមួយមិត្តភក្តិខ្លួន ម្នាក់ទៀត នាងមិនព្រម ក៏បានផ្ទុះហិង្សាបង្កឲ្យមានការភ្ញាក់ផ្អើលទាំងយប់ ។ករណីនេះ កើតឡើង នៅម៉ោង ១២និង៥នាទីយប់ ឈានចូលថ្ងៃទី២០ ខែកុម្ភ: ឆ្នាំ២០១៨ ក្នុងសណ្ឋាគារ អាស៊ានភេលេស (ASEAN Palace) ផ្លូវព្រះមុនីវង្ស កែងផ្លូវមុនីរ៉េត សង្កាត់អូរឬស្សីទី២ ខណ្ឌ៧មករា រាជធានីភ្នំពេញ។
នារីរងគ្រោះឈ្មោះ ម.រ អាយុ២៥ឆ្នាំ បានឲ្យដឹងថា ពេលផ្ទុះរឿងសមត្ថកិច្ច ចុះអន្តរាគមន៍ ប្រាប់ឲ្យជនជាតិកូរ៉េនោះ ឲ្យលុយមកនាង តាមការព្រមព្រៀងត្រូវរ៉ូវគ្នា ចំនួន១០០ដុល្លារ តែជនជាតិកូរ៉េខាងលើ មានលុយតែ៤៥ដុល្លារ ហុចឲ្យនាងដោយប្រាប់ថា «ស្អែកចាំមកយកទៀត» ។ដោយសារ មិនដឹងធ្វើយ៉ាងម៉េចនាង ក៏ព្រមទទួលលុយ៤៥ដុល្លារ ទាំងបង្ខំចិត្ត ដើម្បីបញ្ចប់បញ្ហា៕