វៀតណាម ៖ ក្នុងថ្ងៃចូលឆ្នាំចិន-វៀតណាម រយៈពេល៣ថ្ងៃ ពលរដ្ឋវៀតណាមជិត១៩៥០ត្រូវបានគេបញ្ជូនទៅមន្ទីរពេទ្យ និងគ្លីនិកនៅទូទាំងប្រទេសវៀតណាម បន្ទាប់ពីរងរបួសដោយសារអំពើហិង្សាលើរាងកាយ។ នេះបើយោងតាមរបាយការណ៍របស់ក្រសួងសុខាភិបាលវៀតណាម។
របាយការណ៍បន្តថា មនុស្សចំនួន១៩០នាក់ត្រូវបានបញ្ជូនទៅមន្ទីរពេទ្យដោយសារតែការផ្ទុះកាំជ្រួច ពីថ្ងៃទី១៥ ដល់ថ្ងៃទី១៧ ខែកុម្ភៈ។ តួលេខនេះគឺប្រហែល១,៥ ដងនៃរយៈពេលដូចគ្នាបើប្រៀបនឹងឆ្នាំមុន។ ចំនួនជនរងគ្រោះដែលត្រូវបានបញ្ជូនទៅមន្ទីរពេទ្យ បន្ទាប់ពីប៉ះពាល់ទៅនឹងប្រភេទរំសេវផ្ទុះដទៃទៀត មានចំនួន៥៣នាក់ ពោលគឺច្រើនជាងទ្វេដងបើប្រៀបនឹងឆ្នាំមុន។
របាយការណ៍ដដែលបញ្ជាក់ថា ក្នុងចំណោមជនរងគ្រោះទាំងនោះមាន៦នាក់បានស្លាប់ និងប្រហែល១១០០នាក់ក្លាយជាអ្នកជំងឺ ហើយជាង២៧០ នាក់ ត្រូវបញ្ជូនទៅមន្ទីរពេទ្យឯកទេសកម្រិតខ្ពស់។ រីឯការស្រវឹង បានបង្កឲ្យកើតមានហិង្សា ២៣០ ករណី។ មនុស្សប្រហែល៤០០ នាក់ត្រូវបញ្ជូនទៅមន្ទីរពេទ្យ ដោយសារតែបញ្ហាទាក់ទងនឹងការផឹកស៊ីស្រវឹង៕
