រតនគីរី ៖ សកម្មភាព កាប់បំផ្លាញ ព្រៃឈើ នឹង ដឹកជញ្ជូនឈើ ធ្វើជំនួញ ឆ្លងដែន ទៅប្រទេស វៀតណាម ត្រូវបានគេ មើលឃើញថា នៅចុងឆ្នាំ ២០១៧ ដើមឆ្នាំ ២០១៨ នេះ នៅភូមិគាគឦសាន នៃទឹកដី ខេត្តរតនគិរីការធ្វើជំនួញឈើ បានកំរើកឡើងវិញ ក្រោយពីការ ស្ងប់ស្ងាត់មួយរយៈខ្លី ដោយគេសង្កេតឃើញ មានមេឈ្មួញធំៗ ជាច្រើន បានប្រមូលផ្ដុំគ្នា បង្កើតជាក្រុម ដើរប្រមូលទិញឈើ គ្រប់ទិសទី នឹង បំផុសប្រជាពលរដ្ឋ ឲ្យចូលកាប់ឈើ តាមតំបន់អភិរក្ស តំបន់ដែន ជម្រកសត្វព្រៃ ។ល។ មកលក់ឲ្យក្រុម បក្ខពួករបស់ខ្លួន ។
តាមប្រភពពីប្រជាសហគមន៍ការពារព្រៃឈើ ខេត្តរតនគិរី បានឲ្យដឹងថា ចប្ចុប្បន្ន ព្រៃឈើ ដែលសេស សល់ចុងក្រោយ នៅខេត្តរតនគិរី កំពុងបញ្ឈម នឹង ការវិនាសហិនហោច មហន្តរាយនា ពេលខាងមុខនេះ ជាក់ជាមិនខាន ប្រសិនបើក្រសួង នឹង មន្ទីរស្ថាប័នពន្ធ នៅតែនាំគ្នាសម្ងំដេក មិនមានវិធានការ បង្ក្រាប នឹង ទប់ស្កាត់ ទាន់ពេលវេលាទេនោះ ។
ពាក់ព័ន្ធទៅនឹង បទល្មើសព្រៃឈើ ឆ្លងដែននេះ មហាជនជាច្រើន មានការងៀងឆ្ងល់ ផងដែរថា តើអស់លោកៗ ដែលមានតួនាទី ក្នុងការបង្ក្រាប នឹងទប់ស្កាត់ បទល្មើស ព្រៃឈើ ទៅណាអស់ហើយ.? ឬមួយត្រូវថ្នាំសណ្ដំ ជាលាភសក្ការៈ ពីក្រុមឈ្មួញ ដុះស្លែល្បីៗ រួចអស់ហើយ មែនទេ? បានជាអស់លោក នាំគ្នារក្សាភាព ស្ងាត់ស្ងៀម បែបនេះទៅវិញ ខណៈឈ្មួញ ធ្វើសកម្មភាព ដឹកជញ្ជូនឈើ យ៉ាងគគ្រិកគគ្រេង ឆ្លងកាត់ ពីខេត្តមួយ ទៅខេត្តមួយ នឹង ឆ្ពោះឆ្លងដែន ទៅប្រទេសវៀតណាម យ៉ាងរលូន។
បើតាមប្រភព ពីប្រជាពលរដ្ឋ ជាច្រើន រស់នៅ ស្រុកកូនមុំ ខេត្តរតនគិរី បានឲ្យដឹងថា ឈ្មួញរកស៊ីឈើ នៅខេត្តរតនគិរីនេះ ពួកគាត់ មិនដែលឃើញ ឈ្មួញផ្លែក ពីណាមកទេ គឺក្រុមឈ្មួញ តែដដែរៗនឹង គ្រាន់តែពួកគេ ដោះដូរគ្នា ពីមួយទៅមួយ ជាក់ស្ដែង ថ្មីៗនេះ មេឈ្មួញ ដ៍មានឥទ្ធិពល ប៉ុល វិសាល មេការឧកញ៉ា ទ្រី ភាព បានមកធ្វើសកម្មភាព ដើរប្រមូលទិញឈើ ខេត្តរតនគិរីនេះ ក្រោយមកបែករឿង លិចលឺដល់ អ្នកព័ត៌មាន ច្រើនពេក គេមានការរៀបចំ ឲ្យមេឈ្មួញ ស្រេង ម៉េង «ហៅ ម៉េង បីពូថៅ» ជាអ្នករៀបចំ ដើរប្រមូលទិញវិញម្ដង តែទោះយ៉ាងណា ក៍មិនអាចបិទបាំង ជាមួយ អ្នកព័ត៌មាន បានឡើង ដោយពួកគេ ខ្លាចខូចការធំ ហើយណាមួយ មន្ត្រីគ្រាក់ៗ មួយចំនួន ដែលមានពាក់ព័ន្ធ ខ្លាចមានបញ្ហា ពួកគេបានប្រជុំ ដោះដូរមកដាក់ មេឈ្មួញ ហូរ ជីវ៉ៃ « ហៅ អាវ៉ៃ » ជាអ្នករៀបចំ មកទល់សព្វថ្ងៃ នឹង មានប៉ូលីស នៅខេត្ត ម្នាក់ទៀត ជាអ្នករត់ផ្លូវផងដែរ ។
ប្រភពដដែរ បានបន្តថា បន្ទាប់ពី បុគ្គល់ ហូ ជីវ៉ា « ហៅ អា វ៉ៃ » ទទួលបន្ទក់ការងារនេះ សកម្មភាព ដឹកជញ្ជូនឈើ កាន់តែខ្លាំងឡើង ជាក់ស្ដែង កាលពីប៉ុន្មាន ថ្ងៃមុននេះ គេបានជួបប្រទះ រថយន្តធុនធំៗ របស់ឈ្មួញឈើ ហូរ ជីវ៉ៃ « ហៅ អាវ៉ៃ » បានដឹកឈើ ជញ្ជូនឈើ ចេញពីម្ដុំក្រុមហ៊ុន ឥណ្ឌា តាមផ្លូវ គ្រួស ក្រហម វាលឆ្កែហត់ ស្ថិតក្នុង ភូមិត្រពាំងក្រហម ស្រុកកូនមុំ ដោយឆ្លងកាត់ ក្រុង បានលុង ឆ្ពោះទៅ ច្រកទ្វារអន្តរជាតិ អូយ៉ាដាវ ចេញទៅ ប្រទេសវៀតណាម យ៉ាងរលូន ដោយគ្មានការរំខាន ពីសម្ថកិច្ច ឬមន្ត្រីជំនាញ រួមទាំងអាជ្ញាធរ ទទួលបន្ទុក ក្នុងការបង្ក្រាប នឹងទប់ស្កាត់ ណាឡើយ។
ពាក់ព័ន្ធទៅនឹង ការដឹកជញ្ជូនឈើ យ៉ាងអនាធិបតេយ្យនេះ ប្រជាពលរដ្ឋ ឃុំត្រពាំងក្រហម ស្រុកកូនមុំ បានលើកឡើង នឹង រិះគន់ផងដែរថា លោក សេក ហៃ ទើបនឹងឡើង កាន់តំណែង ជាអភិបាល នៃគណអភិបាលស្រុកថ្មី ហើយក្នុងនាមលោក ជាប្រធាន គណបញ្ជាការ ឯកភាពស្រុកក្នុងការទប់ស្កាត់ នឹងបង្ក្រាប បទល្មើស ហេតុអី បានជាបណ្ដោយ ឲ្យឈ្មួញទុច្ចរិត កាប់បំផ្លាញព្រៃឈើ នឹង ប្រមូលទិញ ដឹកជញ្ជូនឈើ តាមតែអំពើចិត្ត ឬមួយលោកគិតថា ចង់យកគំរូតាម លោកចៅហ្វាយស្រុក ចាស់មុន បើកដៃឲ្យឈ្មួញ កាប់បំផ្លាញ នឹងដឹកជញ្ជូនឈើ តាមអំពើចិត្តទៀត? ។
ពាក់ព័ន្ធករណី ខាងលើនេះ មហាជនជាច្រើន កំពុងរងចាំមើល ថាតើគណ:កម្មការ ប្រឆាំងបទល្មើល ធនធានធម្មជាតិ ដែលមានលោក ឧត្តមសេនីយ៍ ហុង វិណុល ជាអ្នកទទួលផែន មានចំណាប់ការ យ៉ាងណា ទៅលើសកម្មភាព របស់មេឈ្មួញ ហូរ ជីវ៉ៃ បើក្នុងខេត្ត្រតនគិរី ពីថ្នាក់លើ ដល់ក្រោម គ្រប់ស្ថាប័ន ពាក់ព័ន្ធ ត្រូវបានគេសង្ស័យថា ត្រូវថ្នាំសណ្ណំ របស់មេឈ្មួញ ហូរ ជីវ៉ៃ រួចរាល់ហើយ? ។ ហើយនណា ក៍គេទទួលស្គាល់ដែរថា បុគ្គល់ ហូ ជីវ៉ៃ ដែលជាឈ្មួញ រកស៊ីឈើ កំពូលល្បិច នឹងមាន
ការ ទំនាក់ទំនងល្អ ជាមួយសមត្ថងកិច្ច នឹងស្ថាប័នជំនាញ យូឆ្នាំមកហើយ ជាពិសេស មានការស្និទ្ធ ជាមមន្ត្រីគ្រាក់ៗ នៅក្នុងខេត្តទៀតផង។
គួរបញ្ជាក់ផងដែរថា ពាក់ព័ន្ធករណី ខាងលើនេះ បណ្ដាញ ព័ត៌មាន យើង ពុំទាន់ដឹងទេថា ក្នុងការធ្វើជំនួញឈើនេះ តើមានច្បាប់អនុញ្ញាត ត្រិមត្រូវ ឬយ៉ាងណាទេ ព្រោះបណ្ដាញ ព័ត៌មានយើង មិនអាចស្វែងរក ធ្វើបទសម្ភាស ឬក៍សុំការបំភ្លឺ ពីលោក ហូរ ជីវ៉ៃ ពាក់ព័នទៅនឹង ធ្វើជំនួញឈើប្រណិត ឆ្លងដែនទៅលក់ នៅប្រទេសវៀតណាមនេះ បានទេ មកដល់ថ្ងៃនេះ ដោយការណាត់ជួប លោក ហូរ ជីវ៉ៃ មានចេតនា គេចរហូត។
សូមបញ្ជាក់ រាល់ការចេញផ្សាយ បណ្ដាញ ព័ត៌មានយើង គឺផ្សាយ ក្នុងការរិះគន់ ដើម្បីស្ថាបនា មិនមានចេតនា រិះគន់ ជាន់ពន្លិចទេ ហើយក៍មិនមាន ពាក់ពន្ធ ទៅនឹង នយោបាយ ណាមួយដែរ បណ្ដាញ ព័ត៌មានយើង ផ្សាយតែ ព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សូមសម្ដេច ទ្រង់ ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិត ស្នើសុំ មកការិយាយ័ល បណ្ដាញ ព័ត៌មាន យើងខ្ញុំ ដោយមានឯកសារ មួយចំនួន ដែលគិតថា ជាឯកសារត្រិមត្រូវ ដើម្បីធ្វើការ កែតម្រូវវិញ។ ទំនាក់ទំនងតារយៈ ទូរស័ព្ទ លេខ រាល់ម៉ោងធ្វើការ៕