ក្រចេះ ៖ គណបញ្ជាការឯកភាពស្រុកចិត្របុរី ដឹកនាំកម្លាំងអាវុធហត្ថជាច្រើននាក់ ចុះបង្គ្រាបទីតាំងជល់មាន់ នៅវេលាម៉ោង២រសៀល ថ្ងៃទី១១ខែគុម្ភះ ឆ្នាំ២០១៨នៅចំនុចភូមិ តាលុះ ឃុំបុសលាវ ស្រុកចិត្របុរី ខេត្តក្រចេះ។
លោក អ៊ឹម ចិត្រា មេបញ្ជាការអាវុធហត្ដ ស្រុកចិត្របុរីបានឲ្យដឹងថា ប្រតិបត្ត័ការបង្គ្រាបទីតាំងជល់មាន់នេះដឹកនាំដោយ លោក អ៊ួង សម្បិត្ត អភិបាលរងស្រុកសម្របសម្រួលដោយលោក កែវសុជាតិ ព្រះរាជអាជ្ញាសាលាដំបូងខេត្ត ហើយកម្លាំងអាវុធហត្ថជាច្រើននាកបានចុះទៅបង្គ្រាបតែការបង្គ្រាប់នេះមិនបានឃាត់ខ្លួនអ្នកចូលរួម លេងល្បែងភ្នាល់មាន់ជល់នោះគ្រាន់តែកម្លាំងអាវុធហត្ថុទៅដល់ទីតាំងនោះពួកគេរត់បាត់អស់ហើយរឹបអុសវត្តុតាងមួយចំនួនរួមមានមាន់ចំនួន១០ក្បាល អង្រុតដែកសំរាប់ក្រុងមាន់ចំនួន៩ កន្ទ្រកដាក់មានចំនួន១០និងវត្ថុសម្រាបបញ្ជល់មាន់មួយចំនួននិងរុះរេី សង្វៀងបញ្ជល់មាន់ចោល។
លោក អ៊ួង សម្បិត្ត អភិបាលរងស្រុកចិត្របុរីបញ្ជាក់ទៀតថា ក្រោយពីរូបលោកបានទទួលដំណឹងពីប្រជាពលរដ្ឋថា មានទីតាំងជល់មាន់នោះ លោកបានសុំគោលការពីលោក ហង្ស ចាន់ឌីអភិបាលស្រុក ហើយលោកបានដឹកនាំកម្លាំងចុះបង្គ្រាបតែម្ដង ។
លោកបន្ដទៀតថា វត្ថុតាងទាំងយកទៅរក្សាទុកនៅសាលាស្រុកចិត្របុរីហើយ លោកបញ្ជាឲ្យមេភូមិ សួរនាំអត្តសញ្ញាណម្ចាស់ផ្ទះ ដើម្បីរកអ្នកនៅពីក្រោយខ្នងនៃការបើកសង្វៀននេះដើម្បី កសាងសុំរឿងទៅតុលាការតាមនិតិវិធី ៕
ដោយ កិះខន