ខេត្តមណ្ឌលគីរី៖ នៅរសៀលថ្ងៃទី២៣ខែមករាឆ្នាំ២០១៦ នៅអធិការដ្ឋាននគរបាលស្រុកកោះញែកមានពិធីសម្ភោធដាក់អោយប្រើប្រាស់អាគារនគរបាលយុត្តិធម៌ ១ខ្នង ៣ បន្ទប់ ដែលជាអំណោយរបស់ស្នងការដ្ឋាននគរបាលខេត្តដាក់ឡាក់ វៀតណាម និងមានការខំប្រឹងប្រែងពីលោកកាន់ពេញ អធិការស្រុក រួមនិងមន្ត្រីនគរបាលក្នុងស្រុកកោះញែកផងដែរ។
អញ្ជើញជាអធិបតីក្នុងពិធីនោះគឺមានវត្តមាន ឯកឧត្តម្ភ ស្វាយ សំអៀង អភិបាលរងខេត្តមណ្ឌលគីរី ចុះជួយស្រុកកោះញែក លោកតូច យ៉ុនស្នងការនៃស្នងការដ្ឋាន នគរបាលខេត្តមណ្ឌលគីរី និងលោក ហ្វាម វ៉ាន់ញ៉ាក ស្នងការរងខេត្តដាក់ឡាក់ប្រទេសវៀតណាម។
មានមតិសំណេះសំណាលនាពេលនោះដែរឯកឧត្តម ស្វាយ សំអៀង បានមានប្រសាសន៍ផ្ដាំផ្ញើដល់កងកំលាំងនគរបាលទាំងអស់ត្រូវយកចិត្តទុកដាក់់ខ្ពស់ក្នុងការការពារប្រជាពលរដ្ឋ និងការពារបូរណៈភាពទឹកដី និងជាសំខាន់ជាងនេះ គឺការសហការល្អរវាងនគរបាលទាំង២ខេត្ត គឺខេត្តដាក់ឡាក់ និងខេត្តមណ្ឌលគីរីរបស់យើង ។ ឯកឧត្តមក៏បានសូមថ្លែងអំណរគុណដល់ស្នងការដ្ឋាននគរបាលខេត្តដាក់ឡាក់ ដែលតែងតែជួយឧបត្ថម្ភសព្វបែបយ៉ាង ក្នុងពេលកន្លងមក និងសូមអោយមានការសហការគ្នាជាបន្តបន្ទាប់រៀងរហូតទៅ ៕
ដោយ ៖ ហ៊ិន សុគន់