ភ្នំពេញ ៖ លោក អះម៉ាត់ យ៉ះយ៉ា អតីតរដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទាដែលគេដឹងថាថាជាសត្រូវជាមួយលោកឧស្មានហាសាន់រដ្ឋលេខាធិការក្រសួងការងារអាចនឹងត្រូវជាគេចាប់ដាក់គុកក្រោមបទពាក់ពន្ធ័និងការជួញដូរមនុស្សទៅស្រុកអារ៉ាប?។ការសង្ស័យនេះគឺកើតឡើងក្រោយពីមន្ដ្រីនគរបាលប្រឆាំងការជួញដូរមនុស្ស ចាប់ឈ្មោះ អ៊ីស្មាអែល ពិនឧស្ម័ន អាយុ៤៤ឆ្នាំ ជនជាតិខ្មែរ-ឥស្លាម មុខរបរធ្វើស្លាកលេខរថយន្ត ទីកន្លែងកំណើត ភូមិត្រពាំងឈូក ឃុំបឹង ស្រុកបារាយណ៍ ខេត្តកំពង់ធំ បច្ចុប្បន្នស្នាក់នៅ ផ្ទះលេខ៣៦H ផ្លូវលំ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញកាលពីថ្ងៃទី៧កុម្ភៈឆ្នាំ២០១៨។បុរសឈ្មោះអ៊ីស្មាអែល ពិនឧស្ម័ន អាយុ៤៤ឆ្នាំដែលត្រូវជាក្មួយលោកអះម៉ាត់យះយ៉ាត្រូវចាប់ខ្លួនពាក់ព័ន្ធករណីនាំពលករទៅធ្វើការខុសច្បាប់ នៅប្រទេសអារ៉ាប់ប៊ីសាអូឌីត ហើយនៅថ្ងៃទី០៩ ខែកុម្ភៈ ឆ្នាំ២០១៨នេះ ត្រូវបានបញ្ជូនទៅតុលាការដើម្បីផ្ដន្ទាទោសតាមច្បាប់។
បច្ចុប្បន្នជនសង្ស័យឈ្មោះ អ៊ីស្មាអែល ពិនឧស្ម័ន និងវត្ថុតាងកំពុងស្ថិតក្នុងចំណាត់ការរបស់សាលាដំបូងរាជធានីភ្នំពេញ រីឯជនសង្ស័យឈ្មោះ អះម៉ាត់ យ៉ះយ៉ាដ និងបក្សពួកសមត្ថកិច្ចកំពុងស្នើសុំដីកាស្វែងរកចាប់ខ្លួន ដើម្បីយកមកផ្តន្ទាទោសតាមច្បាប់។នគរបាលឲ្យដឹងថា កាលពីអំឡុងឆ្នាំ២០០៤ ជនសង្ស័យខាងលើបានឃោសនាក្នុងភូមិថា ឈ្មោះ អះម៉ាត់ យ៉ះយ៉ា ត្រូវជាពូរបស់ខ្លួន ត្រូវការជ្រើសរើសពលការិនីបញ្ជូន ទៅធ្វើការជាជំនួយការមេផ្ទះ នៅប្រទេសអារ៉ាប់ប៊ីសាអូឌីត ប្រាក់ឈ្នួល២២០ដុល្លារអាមេរិច កិច្ចសន្យាការងាររយៈពេល២ឆ្នាំ ចំពោះឯកសារបែបបទ លិខិតឆ្លងដែន និងសោហ៊ុយធ្វើដំណើរ ឈ្មោះ អះម៉ាត់ យ៉ះយ៉ា ជាអ្នកចំណាយ។
បន្ទាប់មកបានអូសទាញពលរដ្ឋក្នុងភូមិ២នាក់ ក្រោយមកបានចំនួន២០នាក់ទៀត ហើយនាំទៅប្រគល់ឲ្យលោក អះម៉ាត់ យ៉ះយ៉ា ស្នាក់នៅផ្ទះលេខ៣៤ ផ្លូវលេខ៧០ សង្កាត់ស្រះចក ខណ្ឌដូនពេញ ពេលនោះជនរងគ្រោះត្រូវបានលោក អះម៉ាត់ យ៉ះយ៉ា ក្លែងអត្តសញ្ញាណដោយប្រើឯកសារ ហើយបានបញ្ជូនទៅធ្វើជាស្ត្រីបម្រើតាមផ្ទះ នៅប្រទេសអារ៉ាប់ប៊ីសាអូឌីត ។
នៅប្រទេសអារ៉ាប់ប៊ីសាអូឌីត ជនរងគ្រោះត្រូវបានថៅកែកេងប្រវ័ញ្ចកម្លាំងពលកម្ម បិទសិទ្ធសេរីភាព ហើយត្រូវបានគេលក់ទៅថៅកែជាម្ចាស់ទី១ ទៅថៅកែទី២ ក្នុងតម្លៃ២០,០០០ដុល្លារ ឲ្យធ្វើការងារផ្ទះ ហើយរងការរំលោភផ្លូវភេទ និងមិនទទួលបានប្រាក់ឈ្នួលតាំងពីពេលបញ្ជូនទៅ រហូតដល់អំឡុងខែសីហា ឆ្នាំ២០១៧។
ជនរងគ្រោះទាំងអស់ទើបតែសង្គ្រោះបានចំនួន ២ នាក់ប៉ុណ្ណោះ ដោយមានការអន្តរាគមន៍ពី លោក អូស្មាន ហាស្សាន់ រដ្ឋមន្ដ្រីប្រតិភូ អមនាយករដ្ឋមន្ដ្រី និងជារដ្ឋលេខាធិការក្រសួងការងារ សហការជាមួយក្រសួងការបរទេស និងសហប្រតិបត្តិការអន្តរជាតិ សង្គ្រោះមកកម្ពុជាវិញ ។
សូមបញ្ជាក់ដែរថា លោក អះម៉ាត់ យះយ៉ា ជាអតីមន្ត្រីជាន់ខ្ពស់គណបក្សហ្វុនស៊ិនប៉ិច បន្ទាប់មកចូលគណបក្សសមរង្ស៊ី ហើយរត់ចុះចូលជាមួយគនបក្សប្រជាជន ទទួលបានតួនាទីជារដដ្ឋេលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ហើយត្រូវបានតរេជោសែនដកដេញចោលវិញក្រោយពីផ្ទុះរឿងខាងលើនេះ។
ក្រៅពីនេះ លោក អះម៉ាត់ យ៉ះយ៉ា ធ្លាប់បានប៉ះទង្គិះជាមួយលោក អូស្មាន ហាស្សាន់ ដែលចង់បើកផ្លូវកាត់វិហ៊ារចាមបឹងកក់ ភ្ជាប់ទៅដីខាងក្នុង ដែលលោកយ៉ះយ៉ាថា ចូលទៅរកដីលោកលោក អូស្មាន ហាស្សាន់ ។
គាត់បានចេញមុខប្រឆាំងនឹងសាលារាជធានី និងក្រុមលោកឧស្មានហាស្សា ន់ចំពោះគម្រោងពុះដីវិហាបឹងកក់យ៉ាងខ្លាំងក្លា រហូតមានការប៉ះពាល់គ្នាធ្វើឲ្យលោក ឧស្មាន ហាហ្សាន់ ដាក់ពាក្យបណ្តឹងពីបទបរិហាកេរិ៍ណ ទាមទាសំណង ១ លានដុល្លារ និងចុងក្រោយនៅថ្ងៃទី ១៥ ខែសីហាលោក អះម៉ាត់ យ៉ះយ៉ា ត្រូវបានតុលាការសម្រេចផ្តន្ទាទោសពីបទបរិហារកេរ្តិ៍លោក ហាស្សាន់ ត្រូវបានពិន័យជាប្រាក់ ១០០ លានរៀល ($២៥ ០០០) ដើម្បីសងជំងឺចិត្តដល់ដើមបណ្តឹង ។ ទីបំផុតផែនការបើកផ្លូវនេះ ត្រូវបរាជ័យ តែលោក យ៉ះយ៉ា ក៏ត្រូវសុំទោលលោកឧស្មាន់វិញដែរ ដើម្បីកុំឲ្យគេប្តឹង។
– វិទ្យុភាសាចាមរបស់លោក អ៉ះម៉ាត់ យ៉ះយ៉ាត្រូវបានបិទនៅក្នុងខែមិថុនាឆ្នាំ២០១៦ ហើយអ្នកផលិតកម្មវិធីសង្ស័យថាជម្លោះដីធ្លីរវាងលោក អះម៉ាត់ យ៉ះយ៉ា និងលោក ឧស្មាន ហាស្សាន់ គឺជាស្នូលនៃការសម្រេចចិត្តបិទវិទ្យុនេះ។ អាឡូវភ្លាត់ស្នៀត លោក យ៉ះយ៉ា ត្រូវគេធើស៊ីម្តងទៀត ក្រោមបទល្មើសខាងលើ ។ គ្មានវីធីអីក្រៅពីរត់ចោលស្រុកទៀតនោះទេ!៕
